ایوان نے پرائیویٹ ممبرز کی قرار داد مسترد کردی

جموں// قانون ساز اسمبلی نے جموں خطے میں ویٹرنری اور اینمل سائنسز یونیورسٹی کے قیام سے متعلق ایک پرائیویٹ ممبرز قرارداد کو مسترد کر دیا۔یہ پرائیویٹ ممبرز قرارداد رُکن اسمبلی ڈاکٹر نریندر سنگھ رینہ کی جانب سے پیش کی گئی تھی جس میں کہا گیا تھا،’’ہ ایوان جموں و کشمیر کے جموں خطے میں ویٹرنری اوراینمل سائنسز یونیورسٹی کے قیام کی تجویز پیش کرنے کی سفارش کرتا ہے، جو وِکست بھارت 2047 کے لئے ایک اہم حکمت عملی ہے۔‘‘ارکان اسمبلی میر سیف اللہ اور نظام الدین بٹ نے اس قرارداد پر ترامیم پیش کیں۔بعدمیں یہ قرارداد صوتی ووٹ کے ذریعے مسترد کردیا گیا۔