وزیر اعلیٰ نے مہا شوراتری کے موقع پر عوام کو مبارکباد پیش کی

جموں//وزیر اعلیٰ مسٹر عمر عبداللہ نے مہا شوراتری کے مبارک موقع پر جموں و کشمیر کے عوام کو مبارکباد پیش کی ہے ۔ اپنے پیغام میں وزیر اعلیٰ نے کہا کہ مہا شوراتری ایک مقدس تہوار ہے جو عقیدت ، ایمان اور روحانی بیداری کی علامت ہے اور یہ لوگوں کو نیکی ، ہم آہنگی اور رحم دلی کے راستے پر چلنے کی ترغیب دیتا ہے ۔ وزیر اعلیٰ نے کہا ’’ مہاشوراتری کے بابرکت موقع پر میں سب کو دل کی گہرائیوں سے مبارکباد اور نیک خواہشات پیش کرتا ہوں ، اللہ کرے کہ یہ مقدس موقع ہر گھر میں امن ، خوشی اور خوشحالی لائے ۔ ‘‘ وزیر اعلیٰ نے جموں و کشمیر میں بھائی چارے ، اتحاد اور فرقہ وارانہ ہم آہنگی کو مضبوط کرنے کی دعا بھی کی اور خواہش ظاہر کی کہ یہ تہوار سب کیلئے ترقی اور بہبود کا باعث بنے ۔