سال 2047 تک ترقی یافتہ ملک بنانے کے وزیر اعظم کے خواب کو پورا کرنے کیلئے مشترکہ کوششوں کی ضرورت / راجناتھ سنگھ
سرینگر // ہندوستان آج ایک اقتصادی، ثقافتی اور سیاسی طاقت کے طور پر دنیا کے سامنے کھڑا ہے کا دعوی کرتے ہوئے وزیر دفاع راج ناتھ سنگھ نے کہا کہ سال 2047 تک اسے ایک ترقی یافتہ ملک بنانے کے وزیر اعظم نریندر مودی کے خواب کو پورا کرنے کیلئے سب کی مشترکہ کوششوں کی ضرورت ہے۔ انہوں نے زور دے کر کہا کہ وزیر اعظم مودی کی قیادت والی حکومت کی کوششوں کی وجہ سے، ہندوستان اب جی ڈی پی کے لحاظ سے دنیا کی سب سے اوپر کی پانچ معیشتوں میں شامل ہے۔سی این آئی کے مطابق نئی دہلی ایک تقریب کے دوران بات کرتے ہوئے وزیر دفاع راجناتھ سنگھ نے کہا کہ ہندوستان آج ایک اقتصادی، ثقافتی اور سیاسی طاقت کے طور پر دنیا کے سامنے کھڑا ہے۔انہوں نے زور دے کر کہا کہ وزیر اعظم مودی کی قیادت والی حکومت کی کوششوں کی وجہ سے، ہندوستان اب جی ڈی پی کے لحاظ سے دنیا کی ’’سب سے اوپر کی پانچ معیشتوں‘‘میں شامل ہے۔ سنگھ نے اعتماد ظاہر کیا کہ جب ملک 2047 میں اپنی آزادی کا 100 واں سال منائے گا یہ دنیا کی سب سے بڑی معیشت بن جائے گا۔ انہوں نے سال 2047 تک ہندوستان کو ایک ترقی یافتہ ملک بنانے کے وزیر اعظم کے خواب کو حاصل کرنے کے لیے تمام ریاستوں، این جی اوز اور اداروں کی مشترکہ کوششوں پر زور دیا۔وزیر دفاع نے یہ بھی کہا کہ ہندوستانی ثقافت آج ’’پوری دنیا میں پہچانی اور قبول کی جا رہی ہے‘‘۔انہوں نے مزید کہا کہ کووڈ وبائی مرض کے دوران ہاتھ جوڑ کر سلام کرنے سے لیکر یوگا کے بین الاقوامی دن تک ہندوستانی ثقافت میں لوگوں کی دلچسپی پوری دنیا میں اضافہ ہوئی ہے۔انہوں نے ہندوستان کے ثقافتی تنوع پر بھی بات کی اور اسے کئی مذاہب، ذاتوں اور فرقوں کے سنگم کے طور پر بیان کیا۔انہوں نے کہا کہ سیوا کے یہ 11 سال ہمارے آزادی پسند جنگجوؤں اور آئین سازوں کے خوابوں کی تعبیر کی کہانی ہیں جنہوں نے ایک ایسی جمہوریت کا تصور کیا جو نہ صرف سیاسی ہے، بلکہ سماجی اور اقتصادی بھی ہے۔ انہون نے مزید کہا کہ وزیر اعظم مودی کی متحرک قیادت میں، ہندوستان نہ صرف ترقی کر رہا ہے بلکہ یہ قوموں کی برادری میں اپنے صحیح مقام کا دعوی کرنے کے لئے بڑھ رہا ہے اور کہا کہ ان کے دور میں حاصل ہونے والے وسیع تر جمہوری اور ترقیاتی ویژن کی عکاسی کر رہا ہے ۔
