کنی پورہ سری نگرمیں طلباء کے2گروپوں میں جھگڑا

2طالب علم چاقو کے وار سے زخمی،علاقہ میں سخت تشویش ، پولیس نے تفتیش شروع کر دی

سری نگر// سری نگر ضلع کے کنی پورہ علاقے میں جمعہ کی دوپہر طلبہ کے 2گروپوں کے درمیان جھڑپوں میں2طالب علم زخمی ہو گئے۔جے کے این ایس کوملی تفصیلات کے مطابق ہائیر سیکنڈری اسکول بی کے پورہ کنی پورہ میں زیر تعلیم کچھ طالب علموں کے درمیان کسی بات کولیکر تلخ کلامی ہوئی ،جس نے بعدازاں جھگڑے کی شکل اختیارکیا ۔پولیس نے اس افسوسناک واقعے کی تصدیق کرتے ہوئے بتایاکہ ہائیر سیکنڈری اسکول بی کے پورہ کنی پورہ میں زیر تعلیم6سے8طلباء کے درمیان اسکول گیٹ کے باہر جھگڑا ہوا۔انہوںنے کہاکہ طلبہ کے 2گروپوں کے درمیان جھڑپوں میں2طالب علم زخمی ہو گئے،جن کی شناخت اسرار احمد ڈار ولد نوشاد احمد ڈار سکنہ کنی ہامہ اور حازم احمدساکنہ کرالپورہ چاڈورہ کے بطورہوئی۔پولیس کے مطابق دونوں طالب علموں کو چاقو مار کر زخمی کر دیاگیاہء اوران دونوں طالب علموں کو علاج کے لئے ہسپتال منتقل کر دیا گیا۔ پولیس نے واقعہ کا نوٹس لیتے ہوئے تفتیش شروع کر دی ہے۔