کشمیر سے لیکر کینا کماری تک سڑک رابطے کو بڑھانے کیلئے ہر ممکن کوشش کی جا رہی ہے

میں پوسٹروں، بینروں اور لالچ میں یقین نہیں رکھتا،لوگوں سے ملوں گا، ان سے بات کروں گا اور آشیرواد حاصل کروں گا/ گڈگر ی

سرینگر // کشمیر سے لیکر کینا کماری تک سڑک رابطے کو بڑھانے کیلئے ہر ممکن کوشش کی جا رہی ہے کی بات کرتے ہوئے مرکزی وزیر روڈ ٹرانسپورٹ نتن گڈکری نے کہا ہے کہ وہ چھوٹے سے ممکنہ طریقے سے بھی لوگوں کی مدد کرنا چاہتے ہیں اور ان کی زندگیوں میں مثبت تبدیلی لانے کیلئے ان کیلئے کام کرتے رہنا چاہتے ہیں۔ سی این آئی کے مطابق ایک خبر رساں اداے کے ساتھ خصوصی انٹر ویو میں مرکزی وزیر روڈ ٹرانسپورٹ نتن گڈکری نے کہا کہ روزگار کے مواقع پیدا کرنا اور غربت کا خاتمہ وہ مقاصد تھے جن کے ساتھ نریندر مودی حکومت کام کر رہی ہے۔ گڈکری کو ان کی پارٹی نے آئندہ عام انتخابات کیلئے ناگپور پارلیمانی لوک سبھا حلقہ سے مسلسل تیسری بار نامزد کیا ہے۔ ناگپور سے بی جے پی امیدوار کے طور پر مختلف مسائل اور اپنے منصوبوں کے بارے میں بات کرتے ہوئے، انہوں نے کہا’’میں لوگوں سے ملنا چاہتا ہوں‘‘۔ میرا ماننا ہے کہ عوامی زندگی میں لوگوں سے ملنا اور ان کی مدد کرنا سب سے چھوٹے طریقے سے اہم ہے۔ میں صحت اور تعلیم کے شعبوں میں کام کرتے رہنا چاہتا ہوں اور معاشرے کی زیادہ سے زیادہ خدمت کرنا چاہتا ہوں۔ انہوں نے کہا ’’ میں نے لوگوں کو روزگار کے مواقع پیدا کرنے، صحت، تعلیم، کھیلوں کے کلچر کے حوالے سے اچھے انفراسٹرکچر کے حوالے سے ان کی مجموعی ترقی میں مدد کرنے کی کوشش کی ۔ میں نے ان محاذوں پر کوششیں کی ہیں‘‘۔ مزید کرنے کی ضرورت ہے اور میں کروں گا۔روڈ ٹرانسپورٹ اور ہائی ویز کے وزیر نے کہا کہ وہ اپنی انتخابی مہم کے حصہ کے طور پر ہر گھر، ہر فرد اور ہر دل تک پہنچیں گے۔’’میں پوسٹرز، بینرز اور لالچ میں یقین نہیں رکھتا۔ میں لوگوں سے ملوں گا، ان سے بات کروں گا اور ان سے آشیرواد حاصل کروں گا۔ میں لوگوں کی زندگیوں میں فرق لانے کے لیے کام جاری رکھنا چاہتا ہوں‘‘۔ بی جے پی کے سابق صدر کو بی جے پی نے پہلے 2014 اور پھر 2019 میں ان کے آبائی شہر ناگپور سے میدان میں اتارا تھا۔ گزشتہ لوک سبھا انتخابات میں گڈکری نے کانگریس کے امیدوار نانا پٹولے کو شکست دی تھی، جو اب پارٹی کی مہاراشٹر یونٹ کے سربراہ ہیں۔ وکست بھارت کے خواب میں ان کے تعاون کے بارے میں ایک سوال پر گڈکری نے کہا کہ وہ کام کرنے میں یقین رکھتے ہیں اور لوگ اپنے کام کو خود دیکھ سکتے ہیں۔ میں بس اپنا کام کرتا ہوں۔ میں کسی کام کا کریڈٹ نہیں لوں گا۔جب ان سے پوچھا گیا کہ کون سے شعبے ان کے خیال میں ہندوستان کو 5 ٹریلین امریکی ڈالر کی معیشت اور تیسری سب سے بڑی معیشت بنانے کے وزیر اعظم نریندر مودی کے خواب کو پورا کرنے میں زیادہ مدد کر سکتے ہیں، گڈکری نے کہا’’ہماری جی ڈی پی میں ہمیں مینوفیکچرنگ، سروس اور زراعت کی سمت کام کرنا ہوگاکیونکہ وہ دیہاتوں، غریبوں اور کسانوں میں خوشحالی لاتے ہیں۔ ہمارا مقصد لوگوں کے لیے روزگار کے زیادہ سے زیادہ مواقع پیدا کرنا اور مختلف اقدامات کے ذریعے غربت کو دور کرنا ہے‘‘۔