سیکرٹری سیاحت نے عوامی شکایات او رمطالبات سماعت کی اور فوری اَزالے کا یقینی دہانی کی
بارہمولہ / /سیکرٹری سیاحت و ثقافت ڈاکٹر سیّد عابد رشید شاہ نے ترقیاتی کاموں کا جائزہ لینے اور عوام سے متعلق مسائل کے حل کے لئے آج ڈاک بنگلو چج ہامہ بارہمولہ میں ایک عوامی دربار کی صدارت کی۔عوامی دربار میں ایڈیشنل ڈپٹی کمشنر سوپور شبیر احمد رینہ، بلاک ڈیولپمنٹ کونسل ممبر شبیر احمد، اسسٹنٹ کمشنر ریونیو شبیر احمد، پیرزادہ ممتاز احمد، سیکٹورل اور ضلعی اَفسران، پی آر آئیز، سماجی کارکنوں اور عوام کی بڑی تعداد نے شرکت کی۔پی آر آئیز اور عوام نے خطے سے متعلق متعدد مطالبات اور شکایات کا اِظہار کیا جن میں مختلف ترقیاتی اور انتظامی امور شامل ہیں جن پر توجہ دینے کی ضرورت ہے۔بنیادی مطالبات اور شکایات میں رفیع آباد علاقے میں سیاحتی صلاحیت کو بروئے کار لانے، تحصیل روہامہ میں ڈی۔ ایڈکشن سینٹر اور ایک منی سیکرٹریٹ کا قیام، ڈنگی وچی میںکمیونٹی ہیلتھ سینٹر پر کام مکمل کرنے، ہادی پورہ میں بینک اے ٹی ایم کا قیام، علاقے میں صفائی ستھرائی کی مناسب انتظامات کو یقینی بنانے اور لاڈولاڈوڑہ ٹریک روٹ پر باتھ روم کے گرد گھومتی تھیں۔ علاقے میں صفائی کی سہولیات، اور لاڈو لاڈورہ ٹریک روٹ پر باتھ روم کی سہولیات اور سائن بورڈ کی فراہمی ، ہادی پورہ میں واٹر فلٹریشن کے مسائل، رفیع آباد کی کنڈی بیلٹ میں چلڈرن پارک کے قیام دیگر اہم مسائل شامل ہیں۔اِس موقعہ پر ڈاکٹر سیّد عابد رشید نے خطاب کرتے ہوئے عوامی دربار کے بنیادی مقصد پر روشنی ڈالتے ہوئے کہا کہ ِانتظامیہ کو براہ راست عوام کی دہلیز تک پہنچایا جائے، آسان رسائی اور مصروفیت کو یقینی بنایا جائے۔سیکرٹری موصوف نے عوام کی جانب سے اُٹھائے گئے مطالبات اور شکایات کو بغور سُنا اور موجود اَفسران کو شامل کر کے مسائل کا فوری اَزالہ کیا۔اِس موقعہ پرڈاکٹرسیّد عابد رشیدشاہ نے موجود افسران کو مزید ہدایات جاری کیں اوراُنہوں نے کہا کہ وہ عوامی نمائندوں کی طرف سے اُجاگر کئے گئے تمام مسائل کو ترجیحی بنیادوں پر حل کیا جائے۔اِس سے قبل سیکرٹری موصوف نے تعلیم، زراعت، صحت، آئی سی ڈی ایس، فوڈ سپلائز سمیت مختلف محکموں کی جانب سے لگائے گئے مختلف سٹالوں کا معائینہ کیا۔اِن سٹالوں میںعام لوگوں کو فائدہ پہنچانے کے مقصد سے متعدد سرکاری سکیموں ، خدمات اور سہولیات کی نمائش کی گئی ۔
