ہندوارہ//پبلک آؤٹ ریچ پروگرام کے ایک حصے کے طور پر،پولیس سٹیشن ولگام میں تھانہ دیوس منعقد کی گئی۔جے کے این ایس نامہ نگار طارق راتھر کے مطابق پروگرام کی صدارت ایس ایچ او ویلگام انسپکٹر افتخار احمد نے کی، اس موقع پر دیگر افسران و اہلکاران بھی موجود تھے۔اس پروگرام میں وارڈ ممبران، بازار صدر تراتھ پورہ اور ولگام، گائوں تراتھ پورہ، شرکوٹ، امرگڑھ، ہانگنی کوٹ، ہتک مارگ، فالمارگ، ملک پورہ، تمنا، داریل، کینیل، چیرپاوا، للم، سونم اللہ، ککروسہ، ویسا، سیراج پورہ کے معززین نے شرکت کی۔ اس موقع پر شرکاء نے عوامی اہمیت کے مختلف مسائل پر روشنی ڈالی اور انہیں یقین دلایا گیا کہ پولیس سے متعلق ان کی حقیقی شکایات کو ترجیحی بنیادوں پر حل کیا جائے گا اور ان کے جلد ازالے کے لیے سول انتظامیہ کو متعلقہ محکموں کے ساتھ اٹھایا جائے گا۔ اس موقع پر خطاب کرتے ہوئے اس بات کا اعادہ کیا گیا کہ ضلع میں نچلی سطح پر پولیسنگ کو از سر نو بنایا جائے گا تاکہ پولیس اہلکاروں کی صلاحیتوں میں اضافہ ہو اور لوگوں میں اعتماد پیدا ہو سکے۔چیئرنگ آفیسر نے اس موقع پر بات کرتے ہوئے کہا کہ تھانہ دیوس حکومت جموں و کشمیر کی جانب سے پولیس اور عوام کے درمیان فاصلہ کم کرنے اور عام لوگوں کی شکایات سننے اور ان کا ازالہ کرنے کے لیے شروع کیا گیا تاکہ کمیونٹی پولیسنگ کو فروغ مل سکے اور جرائم اور سماجی برائیوں کے خلاف جنگ میں مددگار ثابت ہوگا۔شرکاء پر زور دیا گیا کہ وہ علاقے میں امن و امان کو برقرار رکھنے اور ملک دشمن اور سماج دشمن عناصر کی نشاندہی کرنے میں ہندواڑہ پولیس کے ساتھ تعاون کریں جو ہمیشہ پرامن ماحول کو خراب کرنے کی کوشش کرتے ہیں۔
