ٹریجریزمیں کنٹریکٹ ادائیگیوں کا کوئی بیک لاگ موجود نہیںہے۔ ڈِی جی اے ٹی

جموں// ڈائریکٹوریٹ آف اکاؤنٹس اینڈ ٹرٹریجریز (ڈِی جی اے ٹی) نے کنٹریکٹ ادائیگیوں میں تاخیر سے متعلق حالیہ میڈیا رِپورٹس کی سختی سے تردید کرتے ہوئے انہیں بے بنیاد اور غلط قرار دیا ہے۔ڈِی جی اے ٹی نے یہاں جاری کردہ ایک بیان میں واضح کیا کہ کنٹریکٹ ادائیگیوں کے حوالے سے تمام واجبات ادا کر دئیے گئے ہیں اور خزانہ دفاتر میں کنٹریکٹ ادائیگیوں کے سلسلے میں کسی بھی قسم کا کوئی بیک لاگ موجود نہیں ہے۔ بیان میں کہا گیا ہے ،’’حقیقت یہ ہے کہ محکمہ نے کیپکس کے تحت مکمل فنڈز جاری کئے ہیں۔‘‘ڈِی جی اے ٹی نے میڈیا اداروں سے مزید درخواست کی ہے کہ متوازن اور پیشہ ورانہ رپورٹنگ کے پیش نظر ایسے معاملات میں محکمہ خزانہ کا مؤقف بھی شامل کیا جائے۔