دنیا کی اونچائی پر تعینات فوجی اہلکاروں کے ساتھ ہولی منانے کے علاوہ آپریشنل تیاریوں کا جائزہ لیں گے
سرینگر// لوک سبھا انتخابی بگل بجنے کے باوجود وزیر دفاع راجناتھ سنگھ دنیا کے بلند ترین میدان جنگ میں خدمات انجام دینے والے فوجیوں کے ساتھ اظہار یکجہتی میں وہاں تعینات فوجیوں کے ساتھ ہولی منانے کیلئے سیاچن گلیشیئر کا دورہ کریں گے۔سی این آئی کے مطابق وزیر دفاع راج ناتھ سنگھ سیاچن میں فوجیوں کے ساتھ ہولی منائیں گے۔ذرائع نے بتایا کہ راجناتھ سنگھ دنیا کے بلند ترین میدان جنگ میں خدمات انجام دینے والے فوجیوں کے ساتھ اظہار یکجہتی میں وہاں تعینات فوجیوں کے ساتھ ہولی منانے کیلئے سیاچن گلیشیئر کا دورہ کریں گے۔سی خیال رہے کہ سیاچن گلیشیئر ایک اسٹریٹجک فوجی چوکی ہے اور دنیا کے سب سے مشکل خطوں میں سے ایک ہے۔یہ پہلا موقع نہیں ہے جب وزیر راج ناتھ سنگھ فوجی چوکی کا دورہ کریں گے۔سال 2019 میں انہوں نے سیاچن کا دورہ کیا تھا۔ انہوں نے فوجیوں کے ساتھ بات چیت کی اور وہاں کے فوجیوں کی فلاح و بہبود اور حفاظت کو یقینی بنانے کے لیے حکومت کے عزم کا یقین دلاتے ہوئے ان کے تجربات اور اس میں درپیش چیلنجوں کے بارے میں پہلی بار بصیرت حاصل کی۔اس سے پہلے کے دورے میں مرکزی وزیر نے یہ بھی اعلان کیا تھا کہ گلیشیئر سیاحت کیلئے کھلا ہے۔
