راجناتھ 12 مئی کو ریلی سے خطاب کریں گے، رجیجو 7، 8 مئی کولہہ میں ہوں گے
سرینگر//لداخ پارلیمانی نشست کیلئے کانگریس اور بی جے پی کے درمیان سخت مقابلہ آرائی ہونے کے امکانات کے بیچ وزیر اعظم نریندر مودی بھاجپا امیدوار کے حق میں انتخابی ریلی سے خطاب کریں گے جبکہ وزیر دفاع اور مرکزی وزیر کرن رججو بھی آرہے ہیں ۔ وائس آف انڈیا کے مطابق وزیر دفاع راج ناتھ سنگھ 12 مئی کو لیہہ میں ایک ریلی سے خطاب کریں گے جبکہ مرکزی وزیر کرن رجیجو 7 اور 8 مئی کو دو دن لداخ میں ڈیرے ڈالیں گے اور بی جے پی امیدوار کی حمایت میں کئی ریلیوں سے خطاب کریں گے۔وزیر اعظم نریندر مودی کی بھی لیہہ میں ایک ریلی کی توقع ہے لیکن اس کی تاریخ ابھی طے نہیں ہوئی ہے۔ پارٹی لیڈروں نے کہا کہ اگر مودی کا انتخابی شیڈول مصروف ہے تو مرکزی وزیر داخلہ امت شاہ لیہہ میں ایک ریلی سے خطاب کریں گے۔کانگریس سے یہ بھی توقع ہے کہ وہ اپنے سینئر لیڈروں کو لیہہ ہل کونسل میں پارٹی کے امیدوار تسیرنگ نمگیال، لیڈر آف اپوزیشن (LOP) کی حمایت میں مہم چلانے کے لیے لداخ بھیجے گی۔تاہم یہ دیکھنا باقی ہے کہ نیشنل کانفرنس کے سینئر قائدین ڈاکٹر فاروق عبداللہ اور عمر عبداللہ حنیفہ جان کے حق میں ریلیاں نکالتے ہیں یا نہیں۔ اگرچہ جان نیشنل کانفرنس کے ضلع صدر ہیں اور کارگل ہل کونسل کے چیئرمین-کم-سی ای سی کے طور پر بھی خدمات انجام دے چکے ہیں، لیکن وہ سماجی اور مذہبی اداروں کے علاوہ کارگل کی این سی اور کانگریس یونٹوں کی حمایت سے آزاد امیدوار کے طور پر الیکشن لڑ رہے ہیں۔انڈیا بلاک معاہدے کے مطابق جموں اور ادھم پور کے ساتھ لداخ کی سیٹ کانگریس کے پاس گئی تھی، جب کہ این سی کشمیر کی تینوں سیٹوں پر الیکشن لڑ رہی ہے۔لداخ سیٹ پر 20 مئی کو پانچویں مرحلے میں انتخابات ہوں گے۔
