جموں//ڈیزاسٹر منیجمنٹ ، ریلیف ، بحالی اور تعمیر نو کے محکمہ کے سیکرٹری ناظم زئی خان نے ریلیف اینڈ ری ہیبلی ٹیشن کمشنر ( مائیگرنٹس ) اشوک پنڈتا اور دیگر افسران /اہلکاروں کے ساتھ منی ٹاؤن شپ جگٹی ( نگروٹہ ) کا دورہ کیا ۔ دورے کے دوران سیکرٹری نے منی ٹاؤن شپ جگٹی میں رہ رہے مائیگرنٹوں کے اہم مسائل جیسے فی خاندان 25000 روپے ماہانہ تک نقد امداد میں اضافہ ، کوارٹرز کی مرمت اور تزئین و آرائش ، دکانوں کی الاٹمنٹ ، مہاجرین کیلئے پیشہ وارانہ تربیتی مراکز کا قیام ، نوجوان ، پبلک ٹرانسپورٹ کی سہولت ، جگٹی کے سب ڈسٹرکٹ ہسپتال میں بنیادی ڈھانچے کی کمی ، شمشان گھاٹ تک سڑک کی تعمیر ، کشمیری مہاجرین کیلئے مرکزی اسپانسر شدہ اسکیمیں جو حکومت کی جانب سے شروع کی گئی اسکیموں سے مستفید نہیں ہوئے ، زیادہ عمر کے کشمیری مہاجرین کو سافٹ لون کی سہولت ، نوجوان چھوٹے کاروباری یونٹس قائم کریں ۔ سیکرٹری نے تارکین وطن کو صبر سے سُنا اور انہیں یقین دلایا کہ تمام حقیقی مطالبات پر غور کیا جائے گا ۔ انہوں نے ٹی آر ٹیز کے مرمتی کام کا بھی جائیزہ لیا اور ہدایت دی کہ اسے تمام کوارٹرز تک بڑھایا جائے اور کیمپ کمانڈنٹس کے ذریعے کام کے معیار کی باقاعدگی سے نگرانی کی جائے ۔ منی ٹاؤن شپ جگٹی کیمپ میں رہ رہے مہاجرین نے سیکرٹری کا ان کے دورے اور دلچسپی سے ان کے مسائل سُننے پر شکریہ ادا کیا ۔
