جموں//لفٹینٹ گورنر کے مشیر راجیو رائے بٹھناگر نے نوراتروں کے پرمسرت موقع پر جموں و کشمیر کے لوگوں کو اپنی پرتپاک مبارکباد پیش کی ہے ۔ مبارکبادی کے اپنے پیغام میں مشیر بٹھناگر نے کہا کہ دیوی درگا کیلئے وقف یہ نو روزہ تہوار ملک کے سب سے اہم تہواروں میں سے ایک ہے کیونکہ یہ برائی پر اچھائی کی فتح ہے ۔ مشیر نے کہا کہ نوراتری عکاسی اور تجدید کا وقت ہے اور ہمارے مشترکہ ثقافتی ورثے کو منانے کیلئے ایک قوم کے طور پر اکٹھے ہونے کا موقع ہے ۔ مشیر نے کہا ’’ یہ وقت ہے کہ ہم ایک برادری کے طور پر اکٹھے ہوں ، اپنی مشترکہ روایات اور اقدار کو منائیں اور خود کو انصاف ، مساوات اور امن کے اصولوں کیلئے وقف کردیں ۔ ‘‘مشیر نے پورے جموں و کشمیر کی ترقی اور خوشحالی کیلئے دعا کی ۔
