کشمیر کے کئی علاقوں کیلئے محکمہ بجلی کا اعلان

14، 17 اور 19 ستمبر کو بجلی بند رہے گی

سری نگر/یو این ایس / کشمیر پاور ڈسٹری بیوشن کارپوریشن لمیٹڈ (کے پی ڈی سی ایل) نے اعلان کیا ہے کہ 33 کے وی ٹرانسمیشن لائنوں کی مقررہ مرمت اور دیگر کاموں کے باعث وسطی اور جنوبی کشمیر کے کئی علاقوں میں 14، 17 اور 19 ستمبر کو بجلی کی فراہمی متاثر رہے گی۔کے پی ڈی سی ایل کے مطابق 33 کے وی ناوبگ-چاڈورہ لائن کو 14 ستمبر کو صبح 8 بجے سے دوپہر 2 بجے تک بند رکھا جائے گا۔ اس دوران سوگام، روپورو، چاڈورہ ٹاؤن، واتھورہ، بوگام، دولت پورہ، اسپتال، گڈسوتھو، پنزن، لالگام، رنگر، کتھیرگنڈ اور ملحقہ علاقوں میں بجلی کی فراہمی متاثر رہے گی۔اسی طرح 33 کے وی قاضی گنڈ لائن کو 17 اور 19 ستمبر کو صبح 8 بجے سے دوپہر 1 بجے تک بند رکھا جائے گا۔کے پی ڈی سی ایل نے بتایا کہ اس بندش کے باعث چوگام، لامر، کرگنڈ، والتینگو، بیتینگو، رزلو، قاضی گنڈ، وائی کے پورہ، نوسو، منزموہ، بونی گام، ویسو، میر بازار اور ملحقہ علاقوں میں بجلی کی فراہمی متاثر ہوگی۔محکمہ نے متعلقہ علاقوں کے صارفین سے اپیل کی ہے کہ مقررہ بجلی بندش کے اوقات کو مدنظر رکھتے ہوئے اپنے ضروری امور پہلے سے مکمل کرلیں۔