بی جے پی حکومت کے قیام کے بعد امن اور استحکام کیلئے 12 اہم معاہدوں پر دستخط کیے گئے / نیتی آئند رائے
سرینگر // سال 2014سے مرکز میں وزیر اعظم نریندر مودی کی حکومت کے قیام کے بعد سے شمال مشرقی ریاستوں میں ہمہ جہت ترقی ہوئی ہے جبکہ کشمیر سے کینار کماری تک امن کو یقینی بنایا گیا کی بات کرتے ہوئے مرکزی وزیر مملکت برائے داخلہ نیتی آئند رائے نے کہا کہ شمال مشرقی ریاستوں میں سیکورٹی کی صورتحال کافی حد تک بہتر ہوئی ہے۔ انہوں نے کہا کہ سال 2014 کے مقابلے میں سال 2023 میں تشدد کے واقعات میں 71 فیصد کمی آئی ہے جبکہ سیکورٹی فورسز، شہریوں کی ہلاکتوں میں 82 فیصد کمی آئی ۔ سی این آئی کے مطابق دہلی میں اپنی رہائش گاہ پر ایک پریس کانفرنس سے خطاب کرتے ہوئے مرکزی وزیر مملکت برائے داخلہ نیتی آئند رائے نے کہا کہ سال 2014 سے مرکز میں وزیر اعظم نریندر مودی کی حکومت کے قیام کے بعد سے شمال مشرقی ریاستوں میں ہمہ جہت ترقی ہوئی ہے۔انہوں نے کہا کہ سال 2014 میں وزیر اعظم مودی کے اقتدار سنبھالنے کے فوراً بعد مشرق کو دیکھو پالیسی کے تحت شمال مشرق کو ترجیح دی گئی۔ حکومت نے ان سرحدی اور پرتشدد شورش سے متاثرہ ریاستوں میں اپنے ویژن کو حاصل کرنے کیلئے ایک مناسب حکمت عملی تیار کی۔انہوں نے مزید کہا کہ مرکزی حکومت نے شمال مشرق کے وقار، ثقافت، زبان، ادب اور موسیقی کو فروغ دے کر امن اور استحکام قائم کرنے کی کامیاب کوششیں کی ہیں‘‘۔رائے نے مزید دعویٰ کیا کہ سال 2014 کے بعد سے شمال مشرقی ریاستوں میں سیکورٹی کی صورتحال کافی حد تک بہتر ہوئی ہے۔ انہوں نے کہا ’’ سال 2014 کے مقابلے میں سال 2023 میں شورش کے واقعات میں 71 فیصد کمی آئی ہے۔ سیکورٹی فورسز، شہریوں کی ہلاکتوں میں 82 فیصد کمی اور 9,500 سے زیادہ باغی 2014 سے ہتھیار ڈال چکے ہیں‘‘۔رائے نے مزید کہا ’’ سیکورٹی کی صورتحال میں بہتری کے نتیجے میں مسلح افواج کے خصوصی اختیارات ایکٹ (افسپا ) کے تحت شمال مشرق کے ایک بڑے علاقے پر تقریباً 75 فیصد تک غیر منقطع علاقوں کو ضبط کیا گیا ہے، جس سے طویل عرصے سے زیر التواء جذباتی مطالبے کو پورا کیا گیا ہے‘‘۔ رائے نے کہا کہ سال 2014 میں مرکز میں وزیر اعظم مودی کی قیادت والی بی جے پی حکومت کے قیام کے بعد حکومت نے شمال مشرقی ریاستوں میں امن اور استحکام کیلئے 12 اہم معاہدوں پر دستخط کیے تھے۔ جس میں ناگالینڈ کے NSCN (IM) گروپ کے ساتھ ایک فریم ورک معاہدے پر دستخط کیے گئے، ناگا گروپوں کے ساتھ جنگ بندی میں توسیع اور منی پور کے 2 گروپوں کے ساتھ امن کے معاہدے پر بھی دستخط کیے گئے۔رائے نے مزید کہا کہ 2014 سے شمال مشرق میں ہوائی رابطہ میں اضافہ ہوا ہے۔ خطے میں 17 ہوائی اڈے ہیں، 2014 میں صرف 9 تھے۔ شمال مشرقی خطے میں اڑان اسکیم کے تحت 64 راستوں پر خدمات شروع کی گئیں۔
