اننت ناگ//ضلع ترقیاتی کمشنر اننت ناگ ایس ایف حامد نے آج ڈاک بنگلہ کھنہ بل میں منعقدہ ایک تقریب میں ضلع اننت ناگ کے عازمین حج کے قافلے کو ہری جھنڈی دِکھا کر روانہ کیا۔ضلع اننت ناگ سے عازمین کی روانگی کی سہولیت کے لئے ایک جامع منصوبہ تیار کیا گیا ہے ۔ اِس منصوبے میں عازمین حج کے لئے محفوظ اور آرام دہ سفر کو یقینی بنانے کے لئے ٹرانسپورٹیشن ، رہائش ، ہیلتھ کیئر اور دیگر ضروری خدمات کے اِنتظامات شامل ہیں۔ضلع ترقیاتی کمشنر پرچم کشائی کی تقریب سے خطاب کرتے ہوئے عازمین حج کے لئے نیک خواہشات کا اِظہار کیا اور اِس روحانی سفر کی اہمیت پر روشنی ڈالی۔ اُنہوں نے اِنتظامات کرنے میں ملوث اِنتظامیہ اور مختلف محکموں کی کوششوں کو سراہتے ہوئے اِس بات کو یقینی بنایا کہ عازمین حج کے سفرکے لئے تمام ضروری سہولیات موجود ہیں۔ضلع ترقیاتی کمشنر نے عازمین حج پر زور دیا کہ وہ مرکزی حکومت اور سعودی عرب کے حکام کے ذریعے قائم کردہ رہنما خطوط اور پروٹوکول پر عمل کریں ۔ اُنہوں نے اَپنے آپ کو کسی بھی ناخوشگوار واقعے سے بچانے کے لئے تمام صحت اور حفاظتی تدابیر پر عمل کرنے کی اہمیت پر زور دیا۔ضلعی اِنتظامیہ نے حاجیوں یا ان کے اہل خانہ کے کسی بھی سوالات یا خدشات کو دور کرنے کے لئے ایک وقف کنٹرول روم قائم کیا ہے ۔ کنٹرول روم کے لئے 01932-222200اوراِی میل:Email: anantnag@nic.in پر رابطہ کی تفصیلات حاصل کریں۔
