کروڑوں روپے مالیت کی چرس برآمد،منشیات کے خاتمہ کیلئے پولیس وعدہ بند
سرینگر//شوپیاں پولیس نے منشیات کے خلاف آپریشن شروع کرکے کروڑوں روپے مالیت کی چرس برآمدکی ۔کشمیر پریس سروس کے موصولہ اطلاعات کے مطابق شوپیاں پولیس گزشتہ چند ہفتوں سے انسداد منشیات آپریشن میں سرگرم عمل ہے جس کے نتیجے میں کروڑوں روپے مالیت کی چرس برآمد ہوئی ہے۔معاشرے پر منشیات کے استعمال کے مضر اثرات کو تسلیم کرتے ہوئے، شوپیاں پولیس اس لعنت کو ختم کرنے کی اہمیت پر زور دیتی ہے۔ انہوں نے منشیات کی اسمگلنگ اور استعمال سے نمٹنے کا عہد کیا ہے، جسے وہ سماجی زوال اور مجرمانہ سرگرمیوں میں ایک اہم شراکت دار سمجھتے ہیں۔اس مصمم ارادی کے تئیں شوپیاں پولیس کمیونٹی کے ممبران پر زور دیتی ہے کہ وہ منشیات سے متعلق سرگرمیوں کے کسی بھی واقعے کی فوری اطلاع دیں۔ اطلاع دینے والوں کو اپنا نام ظاہر نہ کرنے کی یقین دہانی کرائی جائے گی اور قصورواروں کے خلاف مناسب کارروائی کی جائے گی۔شوپیاں پولیس اس مقصد کے لیے اپنی لگن کا اعادہ کرتی ہے اور کمیونٹی کو منشیات کی لعنت سے نجات دلانے کے لیے اپنی کوششیں جاری رکھنے کا عزم کرتی ہے۔
