سیکرٹری ٹورازم نے مانسر ، سروئیں سر میں سیاحتی سہولیات کا جائزہ لیا

جموں//ساحت اور ثقافت کے سیکرٹری سرمد حفیظ نے افسروں کی ایک میٹنگ میں مانسر اور سروئیں سر میں سیاحوں کیلئے سہولیات کا جائیزہ لیا ۔ میٹنگ سے خطاب کرتے ہوئے سیاحت کے سیکرٹری نے اس حقیقت کو دیکھتے ہوئے کہا کہ چوکہ یہ دونوں مقامات جموں شہر کے قریب ترین ہیں اس لئے مانسر اور سروئیں سر میں بنیادی سہولیات کی ترقی کو ترجیح دی جانی چاہئیے ۔ انہوں نے خاص طور پر دونوں مقامات کو صاف ستھرا رکھنے اور ان دو مقامات پر باقاعدہ صفائی مہم چلانے پر زور دیا ۔ سرمد حفیظ نے مانسر اور سروئیں سر میں ہفتہ وار سرگرمیوں کے انعقاد کی بھی ہدایت دی تا کہ ان دو مقامات پر سیاحوں کی آمد کو راغب کیا جا سکے جس سے جموں شہر کے لوگوں کو بیرونی تفریحی سرگرمیاں بھی میسر آئیں گی جن کی ضرورت ہے ۔ اس سلسلے میں انہوں نے مانسر ویک اینڈ پلان کے تحت ہفتہ وار میوزیکل اور کلچرل پروگرام منعقد کرنے کی تجویز دی ۔ سرمد حفیظ نے کہا کہ محکمہ ان دونوں مقامات کو اہم سیاحتی ریزرویشن کے طور پر ترقی دینے کا ارادہ رکھتا ہے اور ان میں سیاحوں کو جموں کا سفر کرنے والے قریبی سیاحتی مقامات فراہم کرنا ہے ۔ میٹنگ میں محکمہ سیاحت اور سروئیں سر ڈیولپمنٹ اتھارٹی کے سینئر افسران اور دیگر افسران موجود تھے ۔