سری نگر //سیکرٹری محکمہ دیہی ترقی اور پنچایتی راج ڈاکٹر شاہد اِقبال چودھری نے آج ضلع میں سوچھ بھارت مشن گرامین (ایس بی ایم۔جی) کے تحت گھر گھر کوڑاکرکٹ جمع کرنے، پلاسٹک ویسٹ مینجمنٹ یونٹوں (پی ڈبلیو ایم یو) اور دیگر اثاثوں کی پیش رفت کا جائزہ لینے کے لئے پلوامہ کا دورہ کیا۔سیکرٹری کے ہمراہ ضلع ترقیاتی کمشنر پلوامہ ڈاکٹر بشارت قیوم، ڈائریکٹر جنرل دیہی صفائی جموں و کشمیر انو ملہوترا اور ضلع کے دیگر فیلڈ افسران بھی تھے۔ڈاکٹرشاہد اقبال چودھری نے دیہی علاقوں میںویسٹ مینجمنٹ کے مؤثر نظام ،ماحولیاتی صحت اور حفظان صحت کے تحفظ کے لئے کوڑاکرکٹ کو ٹھکانے لگانے کے مناسب طریقہ کار کی اہمیت پر زور دیا۔سیکرٹری محکمہ دیہی ترقی نے مقامی اَفسروں اورشراکت داروں کے ساتھ بات چیت کی تاکہ جاری ویسٹ مینجمنٹ کے اَقدامات کو برقرار رکھنے میں چیلنجوں اور ضروریات کا اندازہ لگایا جاسکے۔اُنہوں نے صفائی ستھرائی کی کوششوں میں شامل فیلڈ ملازمین کی استعداد کار بڑھانے اور ان کی تربیت میں سرمایہ کاری کی اہمیت پر زور دیا۔سیکرٹری موصوف نے صفائی ستھرائی کے اقدامات کی کامیابی میں ان کے اہم کردار کو اُجاگر کرتے ہوئے ان کارکنوں کو ترغیب اور اونرشپ فراہم کرنے کی ضرورت پر زور دیا۔ اُنہوں نے خطے میں پلاسٹک ویسٹ مینجمنٹ کی صورتحال اور چیلنجوں پر تبادلہ خیال کرتے ہوئے کہا کہ جموں و کشمیر میں تقریبا ً116 پی ڈبلیو ایم یو فزیکل طور پر مکمل ہیں اور 23 زیر تعمیر ہیں۔اُنہوں نے اَفسروں سے کہا کہ وہ اُس وقت تک نئے یونٹ شروع نہ کریں جب تک کہ موجودہ یونٹ مکمل طور پر آپریشنل نہ ہوجائیں۔ سیکرٹری محکمہ دیہی ترقی نے صفائی ستھرائی کے اقدامات میں کمیونٹی کی شمولیت کی اہمیت پر زور دیا ۔ اُنہوں نے اَفسروں کی حوصلہ افزائی کی کہ وہ نچلی سطح پر صلاحیت سازی پر توجہ مرکوز کریں اور کمیونٹیوں کو صفائی ستھرائی کی کوششوں کی ذمہ داری لینے کے لئے بااِختیار بنائیں۔اُنہوںنے ایک منظم نقطہ نظر کی اہمیت پر زور دیتے ہوئے افسران پر زور دیا کہ وہ شروع سے آخر تک ایک جامع منصوبہ تیارکریں۔ سکریٹری آر ڈی ڈی نے کچرے کے انتظام کی کوششوں میں شہری اور دیہی ایجنسیوں کے درمیان تال میل کی ضرورت پر بھی تبادلہ خیال کیا۔اُنہوں نے ویسٹ مینجمنٹ کی کوششوں میں شہری اور دیہی ایجنسیوں کے مابین ہم آہنگی کی ضرورت پر بھی تبادلہ خیال کیا۔ڈاکٹر شاہد اِقبال نے پلاسٹک ویسٹ مینجمنٹ پر تبادلہ خیال کرنے کے علاوہ صفائی ستھرائی کے بنیادی ڈھانچے بالخصوص کمیونٹی سینٹری کمپلیکس میں جدید حل کی ضرورت پر زور دیا۔اُنہوںنے یونین ٹیریٹری میںبڑی شاہراہوں اور عوامی مقامات کے ساتھ کمیونٹی سینٹری کمپلیکس (سی ایس سی) کے نیٹ ورک کی تعمیر کے منصوبوں کی نقاب کُشائی کی۔اُنہوں نے کہا کہ ہم جموں و کشمیر میں شاہراہوں کے ساتھ مرکزی سڑکوں اور سیاحتی راستوں پر 100-200 سی ایس سی قائم کرسکتے ہیں تاکہ عوام کو مؤثر طریقے سے خدمت فراہم کی جاسکے۔ڈائریکٹرجنرل دیہی صفائی جموں وکشمیر انو ملہوترا نے ضلع بھر میں صفائی ستھرائی اور ویسٹ مینجمنٹ پروگراموں کے موثر نفاذ کی ضرورت پر زور دیا۔اُنہوںنے رورل سینی ٹیشن نے تعمیراتی اثاثوں کے لئے تفصیلی پروجیکٹ رپورٹس (ڈی پی آرز) اور درخواستوں کی تجاویز (آر ایف پیز) کی تکمیل سمیت آئندہ منصوبوں کے لئے محتاط منصوبہ بندی اور تیاری پر زور دیا۔اُنہوں نے مؤثر رابطے اور شفافیت کو یقینی بنانے کے لئے ضلعی سطح پر فیڈ بیک میکانزم اور شکایات کے ازالے کے نظام کو ادارہ جاتی بنانے کی اہمیت پر بھی زور دیا۔ڈی جی سینی ٹیشن نے کھلے میں رفع حاجت سے پاک (او ڈی ایف) پلس ماڈل پر بھی بات کی اور درست زمینی رپورٹوں کو یقینی بنانے کے لئے سیلف ہیلپ گروپوں سے تصدیق پر زور دیا۔ اِس سے قبل سیکرٹری محکمہ دیہی ترقی و پنچایتی راج ڈاکٹر شاہد اقبال چودھری نے ایس بی ایم۔جی کے تحت بنائے گئے اثاثوں کی فعالیت کا جائزہ لینے کے لئے کاکا پورہ پلوامہ میں پلاسٹک ویسٹ مینجمنٹ یونٹ کا معائینہ کیا۔اُنہوں نے کاکا پورہ کی صفائی کمیٹی سے بھی بات چیت کی۔ اس تبادلہ خیال میں صفائی ستھرائی کے انتظام کے مختلف پہلوؤں کا احاطہ کیا گیا جن میں موجودہ چیلنجز، کامیابیاں اور مستقبل کے منصوبے شامل ہیں۔
