سری نگر//جمعہ کے روز برف باری اورحدنگاہ کم ہونے کی وجہ سے66پروازیں منسوخ ہونے کے بعد ہفتہ کوسری نگر بین الااقوامی ہوائی اڈے سے پروازوںکی آواجاہی بحال ہوگئی ۔جے کے این ایس کے مطابق ائرپورٹ حکام نے بتایاکہ جمعہ کی صبح برف باری اوربارش ہونے کے بعد سری نگرہوائی اڈے کے گردونواح میں روشنی اتنی کم ہوگئی کہ پروازوںکی آمد اورروانگی کومنسوخ کیاگیا۔انہوںنے بتایاکہ سری نگر ائرپورٹ کو بند کئے جانے تک صرف 4پروازیں چل سکیں تھیں ۔حکام نے کہاکہ جمعہ کے روز کل 66پروازوںکی آمد اورروانگی کومنسوخ کیاگیاتھا،جن میں سے 33پروازوں کویہاں پہنچناتھا اور33 پروازوںکویہاں سے روانہ ہوناتھا۔انہوںنے کہاکہ ہفتہ کوموسم بہتر ہونے کے باعث سری نگر انٹرنیشنل ائرپورٹ سے پروازوں کی آمداورروانگی بحال کی گئی ۔حکام نے مزید بتایاکہ سری نگرہوائی اڈے کی حدودمیں موسم اچھا ہے اورروشنی بھی تسلی بخش ہے ۔ائرپورٹ حکام کے مطابق ہفتے کے روز کہا کہ رن وے پرحدنگاہ اور کلیئرنس میں بہتری کے بعد ہوائی اڈے پر آنے اور جانے والی پروازیں دوبارہ شروع ہو گئیں۔انہوںنے کہاکہ موسم اچھا ہے اور مرئیت 3000 میٹر ہے، رن وے ٹیکسی وے اور تہبند سے تمام برف صاف کر دی گئی ہے، ہوائی اڈے کا کام دوبارہ شروع ہوگیا ہے۔
