سرکاری محکموں سے موصول ہونے والی تجویز چیف سیکریٹری کی سربراہی میں سکرئننگ کمیٹی تشکیل

سرینگر///سرکار نے پارلیمانی انتخابات سے متعلق ضابطہ اخلاق کے نفاذ کے بیچ سرکاری محکموں کی طرف سے موصول ہونے والے تجاویز کی جانچ کیلئے چیف سیکریٹری کی صدارت میں سکریننگ کمیٹی کی تشکیل عمل میں لائی ہے۔وائس آف انڈیا کے مطابق حکومت نے کہا ہے’’مرکزی الیکشن کمیشن کی طرف سے مطلع کرد ضابطہ اخلاق سے متعلق ہدایات وہنمائیوں کی روشنی میں مختلف محکموں کی تجاویز کو زیر غور لانے کیلئے رعایتکی جانچ پڑتال کیلئے سکریننگ کمیٹی کے قیام کو منظوری دی گئی ہے۔عمومی انتظامی محکمہ کی طرف سے جاری حکم نامہ میں کہا گیا ہے کہ اس کمیٹی کی کمان جموں کشمیر کے چیف سیکریٹری کو سونپی گئی ہے جبکہ کمیٹی میں ،متعلقہ محکمہ کے انتظامی سیکریٹری ممبر ہونگے،جس محکمہ کی جانب سے یہ تجاویز موصول ہونگے کے علاوہ عمومی انتظامی محکمہ کے کمشنر سیکریٹری بھی ممبر ہونگے۔ سکرئننگ کمیٹی ان تجاویز کو زیر غور لائے گی اور چیف الیکٹورل افسر جموں کشمیر کی وساقت سے الیکشن کمیشن آف انڈیا کو روانہ کرے گی۔ سرکار نے کہا ہے کہ جس محکمہ کی جانب سے تجویز پیش کی جائے گی،اس محکمہ کے انتظامی سیکریٹری کمیٹی کے سامنے یہ تجاویز پیش کریں گے۔