50ہزار کروڑ روپے سے زیادہ سرمایہ کاری کی پیشکش ،صنعتی یونٹوں کیلئے 17,970 کنال اراضی مختص
سری نگر//دفعہ370اور35Aکی منسوخی کیساتھ ہی جموں وکشمیرمیں بیرونی سرمایہ کاری اورصنعت کاری کادہائیوںسے بندپڑا دروازہ کھل گیا۔ سرمایہ کاری اور صنعت کی ترقی کے امکانات بڑھ گئے ہیں۔جے کے این ایس کے مطابق کاروباری نقطہ نظر سے،جموں وکشمیر کے پاس صنعتوں کا مقابلہ کرنے، اصلاح کرنے اور آسانی سے دستیاب بھرپور وسائل کیساتھ ملازمتوں اور کام کے مواقعے پیدااور فراہم کرنے کی طاقت ہے۔ سرکاری ذرائع نے بتایاکہ لولو گروپ، اپولو، EMAAR، اور جندال ان چند تجارتی اداروں میں سے ہیں جن کی جموں و کشمیر میں سرمایہ کاری ہے۔ یونین ٹریٹری نے بالترتیب المایا گروپ، MATU انویسٹمنٹ ایل ایل سی، جی ایل ایمپلائمنٹ بروکریج ایل ایل سی، سینچری فائنانشل اور نون ای کامرس کیساتھ5 مزید مفاہمت کی یادداشتوں پر دستخط کئے ہیں۔Magna-Waves-Pvt لمیٹڈ اور ایمار گروپ، اور لولو انٹرنیشنل نے بھی ایک ہی ایل ائو آئی پر دستخط کئے ہیں۔ مشرق وسطیٰ کی طاقتور معیشتیں بالخصوص متحدہ عرب امارات جموں و کشمیر میں نمایاں دلچسپی کے ساتھ سرمایہ کاری کر رہی ہیں۔ سرمایہ کاری کے اعدادوشمار ہر وقت بلند ترین سطح پر ہیں۔سرکاری ذرائع نے بتایاکہ جموں و کشمیر کو گزشتہ سال 52,155 کروڑ روپے کی سرمایہ کاری کی پیشکش موصول ہوئی ہے۔ٍضروری یونٹوں کی تعمیر کیلئے، جموں اور کشمیر دونوں ڈویڑنوں میں تقریباً 17,970 کنال اراضی پہلے ہی مختص کی جا چکی ہے۔ تازہ سرمایہ کاری کو فروغ دینے اور صنعتی ترقی کو بلاک کی سطح پر لانے کے لیے، جموں و کشمیر انتظامیہ نے گزشتہ سال جنوری میں 28,400 کروڑ روپے کے اخراجات کے اتھ ایک نئی صنعتی ترقی کی اسکیم متعارف کرائی تھی۔ نئے ضابطے ، جو2307 تک کارآمد ہے، نے مزید ممتاز سرمایہ کاروں کے لئے جموں و کشمیر میں سرمایہ کاری کرنا بھی ممکن بنایا۔سرکاری ذرائع نے بتایاکہ جموں اور کشمیر، جو ایک غیر فعال کاروباری مرکز سے ایک ایسی جگہ میں تبدیل ہو گیا ہے جہاں مواقع بہت زیادہ ہیں۔2021 میں، یونین ٹیریٹری نے2.5 بلین امریکی ڈالر کی سرمایہ کاری کو راغب کیا، جو خطے کے وسیع مواقع اور کاروباری صلاحیت کو ظاہر کرتا ہے۔مرکز کے زیر انتظام علاقے میں نجی سرمایہ کاری کی بولیاں 38000 کروڑ روپے سے زیادہ ہیں۔ سرکاری ذرائع نے بتایاکہ حکومت اس بات سے پوری طرح آگاہ ہے کہ سرمایہ کاری معاشی ترقی میں اہم کردار ادا کرتی ہے کیونکہ یہ عوامی دولت کے جمع ہونے کے ساتھ ساتھ سائنس اور ٹیکنالوجی میں ترقی کا باعث بنتی ہے۔ نتیجے کے طور پر، خطے کی مینوفیکچرنگ قابل عملیت اور اقتصادی ترقی کو بڑھانے کے لئے ایک فریم ورک قائم ہوا ہے۔
