جموں و کشمیر کی سرزمین سے دہشت گردی اور اس کے حامیوں کو جڑ سے اکھاڑ پھینکنے تک آرام نہیں کریں گے

مختلف فن سے وابستہ فنکاروں کو بھی ملی ٹنسی اور اس کے حامیوں کے خاتمے میں اپنا کردار ادا کرنا چاہیے/ منوج سنہا

سرینگر // جموں و کشمیر کی سرزمین سے دہشت گردی، اس کے حامیوں کو جڑ سے اکھاڑ پھینکنے تک آرام نہیں کریں گے کا اعلان کرتے ہوئے لیفٹنٹ گورنر منوج سنہا نے کہا کہ ریاسی حملے کے بعد لوگوں میں غم و غصہ حقیقی تھا۔ انہوں نے کہا کہ جموں و کشمیر کے شہریوں کو سیکورٹی فورسز کی بہادری اور ذہانت پر اعتماد ہونا چاہیے اور کہا کہ مختلف فنون سے وابستہ فنکاروں کو بھی دہشت گردی اور اس کے حامیوں کے خاتمے میں اپنا کردار ادا کرنا چاہیے۔ سی این آئی کے مطابق لیفٹنٹ گورنر منوج سنہا نے یو ٹی کے لوگوں کو پرسکون رہنا چاہئے کیونکہ انتظامیہ اور سیکورٹی فورسز اس وقت تک آرام نہیں کریں گے جب تک دہشت گردی اور اس کے حامیوں کو جموں و کشمیر کی سرزمین سے ختم نہیں کیا جاتا۔ایس کے آئی سی سی میں جموں و کشمیر آرٹ کلچر اینڈ لینگوئجز کے زیر اہتمام منعقدہ فوک فیسٹیول سے خطاب کرتے ہوئے انہوں نے کہا کہ ریاسی حملہ جس میں نو افراد ہلاک اور 33 زخمی ہوئے تھے۔ ، نے معاشرے کے کراس سیکشن میں بڑے پیمانے پر غصے کو جنم دیا ہے۔انہوں نے کہا’’لوگوں میں غصہ حقیقی ہے۔ عوام کو پولیس اور سیکورٹی فورسز کی عظیم بہادری، حوصلے اور ذہانت پر اعتماد ہونا چاہیے۔ ہم جموں و کشمیر کی سرزمین سے دہشت گردی اور اس کے حامیوں کو جڑ سے اکھاڑ پھینکنے تک آرام سے نہیں بیٹھیں گے‘‘۔انہوں نے فنکاروں پر بھی زور دیا کہ وہ فن کی مختلف شکلوں کو انجام دیتے ہوئے دہشت گردی اور اس کی حوصلہ افزائی کرنے والوں کو ختم کرنے میں اپنا کردار ادا کریں۔خیال رہے کہ10 جون کو جموں خطہ کے ریاسی ضلع میں دہشت گردوں کے حملے میں بس کے ڈرائیور سمیت 9 یاتریوں کی موت ہو گئی تھی جبکہ 33 دیگر زخمی ہو گئے تھے۔ غور بات یہ ہے کہ 12 جون کو کٹھوعہ میں ایک جھڑپ میں دو غیر ملکی دہشت گرد اور ایک سی آر پی ایف جوان مارے گئے تھے ۔