سری نگر//مرکزی وزیرسیاحت وثقافت جی کشن ریڈی نے پیر کے روزکہا کہ فلمی سیاحت سیاحتی صنعت کو فروغ دینے کیلئے ایک طاقتور ذریعہ کے طور پر اُبھری ہے۔انہوںنے کہاکہ حکومت جموں و کشمیر میں اس کی ترقی کے لئے ایک جامع حکمت عملی تیار کر رہی ہے۔جے کے این ایس کے مطابق SKICCمیں جی 20ٹورازم ورکنگ گروپ کے اجلاس کے ضمنی پروگرام ’فلم ٹورازم فار اکنامک اینڈ کلچرل پریزرویشن‘ سے خطاب کرتے ہوئے مرکزی وزیرسیاحت جی کشن ریڈی نے کہا کہ سیاحت مہمان نوازی اور روزگار کے مواقع پیدا کرنے میں معاون ہے۔انہوںنے کہاکہ ہم سیاحت کی ترقی کے لئے ایک جامع حکمت عملی تیار کر رہے ہیں۔ ثقافت اور سیاحت کے مرکزی وزیرنے کہا کہ فلمی سیاحت سیاحت کو فروغ دینے، منزل کو فروغ دینے کے لیے ایک طاقتور ذریعہ کے طور پر ابھری ہے۔یہاں ایس کے آئی سی سی میں یہ تقریبG20 ممالک کے3 روزہ تیسرے ٹورازم ورکنگ گروپ میٹنگ کا حصہ ہے۔مرکزی وزیر نے کہا کہ سری نگر ہندوستان کے خوبصورت ترین شہروں میں سے ایک ہے۔انہوںنے کہاکہ میں میزبان منزل کی خوبصورتی اور ثقافتی ورثے کو اجاگر کرنا چاہوں گا۔ جی کشن ریڈی کاکہناتھاکہ سری نگر ہندوستان کے قدیم ترین شہروں میں سے ایک ہے۔مرکزی وزیرسیاحت وثقافت نے کہا کہ ہندوستان فلم سازوں کو سورج کے چومے ہوئے ساحلوں سے لے کر پہاڑوں تک فلموں کی شوٹنگ کیلئے ہر طرح کی جگہ فراہم کرتا ہے۔جی کشن ریڈی نے کہاکہ جب ہم ایک دلچسپ سفر کا آغاز کرتے ہیں، ہمیں یاد رکھنا چاہیے کہ یہ نہ صرف منزل کی خوبصورتی کو ظاہر کرنا ہے بلکہ اس کی ثقافت کو بھی محفوظ رکھنا ہے۔انہوں نے کہا کہ ہمارا ایجنڈا بہترین طریقوں اور ٹیکنالوجی کا تبادلہ اور روزگار کی تخلیق ہے۔
