جموں وکشمیرمیںسال رواں آخرتک یااگلے سال اسمبلی انتخابات کے انعقاد!
سری نگر// تعلیمی اداروں میں گرمائی تعطیلات ،کہیں ختم ،کہیں ہونے والی ہیں شروعجموں و کشمیر کے تمام 20 اضلاع میں25 جولائی تک پولنگ اسٹیشنوں کی معقولیت کو حتمی شکل دینے کا امکان ہے جبکہ ووٹرقابل تصدیق پیپر آڈٹ ٹریل (VVPAT) مشینوں کوحیدرآباد سے جموں وکشمیرپہنچانے کاکام شروع کر دیا گیا ہے جسے یونین ٹیریٹری میں پہلے اسمبلی انتخابات کے انعقاد کے طور پر دیکھا جا رہا ہے۔چیف الیکٹورل آفیسرہردیش کمار نے جموں و کشمیر کے تمام20 ڈپٹی کمشنروں(جنہیں ویڈیو کانفرنسنگ کے ذریعے ڈسٹرکٹ الیکٹورل آفیسرز کے طور پر نامزد کیا گیا ہے) کے ساتھ خصوصی خلاصہ نظرثانی کے جاری عمل کے انتظامات کا بھی جائزہ لیا ۔انہوںنے ضلع الیکٹورل افسروں سے تمام مراحل پر ٹائم لائن میٹنگ کرنے پر زور دیا جس میں مسودہ پولنگ سٹیشنوںکو جمع کروانا اور نظر ثانی کے تفصیلی شیڈول میں درج دیگر اقدامات جو پہلے ہی جاری ہو چکے ہیں۔حتمی انتخابی فہرستیں31 اکتوبر کو شائع کی جائیں گی۔جے کے این ایس کے مطابق میڈیا رپورٹ میں ذرائع کے حوالے سے رپورٹ کیاگیاہے کہ کچھ ڈپٹی کمشنروں نے معقولیت کے بعد ڈرافٹ پولنگ اسٹیشنوں کی فہرست جاری کی ہے جبکہ دیگر ڈپٹی کمشنر ایسا کرنے کے عمل میں ہیں۔ تاہم، تمام اضلاع میں یہ کام 25 جولائی تک مکمل ہونے کا امکان ہے۔ذرائع نے مزید کہا کہ ان اضلاع میں بڑی تبدیلیوں کی ضرورت تھی جہاں نئی اسمبلی سیٹیں بنائی گئی ہیں یا طبقات کی حدود میں تبدیلی کی گئی ہے۔ذرائع نے کہا کہ ووٹروں کا خاص خیال رکھا جا رہا ہے تاکہ اس بات کو یقینی بنایا جا سکے کہ اُنہیں اپنے حق رائے دہی کے استعمال کے لئے زیادہ پیدل چلنے کی ضرورت نہ ہو،اور خاص طور پر پہاڑی علاقوں میں جہاں نقل و حمل کا کوئی طریقہ نہیں ہے۔ذرائع نے بتایاکہ عام طور پر، ایک پولنگ اسٹیشن لگ بھگ1500 ووٹروں پر مبنی ہوگا لیکن پہاڑی علاقوں میں ٹپوگرافی کو بھی مدنظر رکھا جائے گا۔ اس بات کو یقینی بنانا ہوگا کہ لوگوں کو ووٹ ڈالنے کے لیے2 کلومیٹر سے زیادہ پیدل نہ جانا پڑے۔میڈیا رپورٹ کے مطابق ذرائع نے بتایا کہ پہلے کے کچھ پولنگ سٹیشن ایک سے زیادہ نئے حلقوں کے تحت آ سکتے ہیں یا مکمل طور پر کسی اور حلقے میں منتقل ہو سکتے ہیں۔اس کے مطابق پولنگ اسٹیشنوںکی میپنگ کی جائے گی۔خیال رہے اس سال 7 مئی کو جموں و کشمیر میں 2سالوں کے لیے تازہ حد بندی کے بعد 7نئے اسمبلی حلقوں کے قیام کے ساتھ ساتھ بہت سے حلقوں کی حدود میں تبدیلی کی وجہ سے پولنگ اسٹیشنوں کو درست کرنے کی ضرورت پڑ گئی ہے۔ ذرائع نے بتایا کہ حد بندی کے بعد پولنگ سٹیشنوں کی ری سیریلائزیشن، میپنگ اور نام تبدیل کرنے کا کام مکمل کر لیا گیا ہے اس کے علاوہ ان دیہاتوں کے پولنگ سٹیشنوں کی شناخت بھی مکمل کر لی گئی ہے جہاں نئے بوتھ بنانے کی ضرورت ہے۔دریں اثنا، حیدرآباد سے وی وی پی اے ٹی جموں و کشمیر پہنچنا شروع ہو گئے ہیں اور چیف الیکٹورل آفیسر نے تمام ضلع انتخابی افسروں کو ہدایت دی ہے کہ وہ محفوظ علاقوں میں VVPATکے جمع کرنے اور رکھنے کے انتظامات کریں۔ذرائع نے بتایا کہ VVPATsجموں و کشمیر کے تمام 20 اضلاع میں پہنچائے جائیں گے۔ذرائع نے بتایا کہ جموں و کشمیر میں انتخابی حلقوں کی از سر نو ترتیب کے لیے سخت اور وقتی پابندی سے قبل از سر نو سرگرمیوں کی ضرورت ہے۔ جموں کو چھ اضافی نشستیں ملیں، کشمیر کو ایک نشست دی گئی۔ووٹر لسٹ کو اپ ڈیٹ کرنے کے کام کے لئے عہدیداروں کی تقرری کی بھی ہدایت دی گئی ہے۔الیکشن کمیشن آف انڈیا نے پہلے ہی چیف الیکٹورل آفیسرجموں وکشمیر کو حیدرآباد سے14850 وی وی پی اے ٹی جمع کرنے کو کہا ہے۔ذرائع کے مطابق VVPATs کا استعمال ووٹروں کو رائے دینے کے لیے کیا جاتا ہے جو کہ بغیر بیلٹ کے ووٹنگ سسٹم کا استعمال کرتے ہیں۔ اس کا مقصد ووٹنگ مشینوں کے لیے ایک آزاد تصدیقی نظام کے طور پر ڈیزائن کیا گیا ہے تاکہ ووٹرز اس بات کی تصدیق کر سکیں کہ ان کا ووٹ صحیح طریقے سے ڈالا گیا ہے، ممکنہ انتخابی دھوکہ دہی یا خرابی کا پتہ لگانا، اور ذخیرہ شدہ الیکٹرانک نتائج کا آڈٹ کرنے کا ذریعہ فراہم کرنا ہے۔ اس میں امیدوار کا نام (جس کے لیے ووٹ ڈالا گیا ہے) اور پارٹی/انفرادی امیدوار کا نشان ہوتا ہے۔ذرائع نے بتایا کہ جموں و کشمیر کو مزید ای وی ایم کی بھی ضرورت ہو سکتی ہے جو بعد میں کل ضروریات کی بنیاد پر مرکز کے زیر انتظام علاقے میں لائی جائیں گی۔ذرائع کے مطابق اگرچہ یہ اقدامات جموں و کشمیر میں اسمبلی انتخابات کے انعقاد کی طرف اشارہ کرتے ہیں لیکن انتخابات کا انعقاد یونین ٹریٹری میں سلامتی کی صورتحال پر منحصر ہوگا جب31 اکتوبر کو حتمی انتخابی فہرستیں شائع کی جائیں گی۔ انتخابات کے بارے میںحتمی فیصلہ لینے سے پہلے مرکزی وزارت داخلہ اور جموں و کشمیر حکومت کی رپورٹوں پر غور کرنا ہوگا۔ الیکشن کمیشن آف انڈیاصورتحال کا جائزہ لینے کے لئے آزاد مبصرین بھی بھیج سکتا ہے۔نظرثانی کی مشق کے دوران شہریوں کو انتخابی فہرستوں میں اپنی تفصیلات درج کرنے، حذف کرنے اور تبدیل کرنے کے مواقع فراہم کیے جائیں گے۔مرکزی حکومت نے پہلے ہی ایک نوٹیفکیشن جاری کر دیا ہے جس میں کہا گیا ہے کہ انتخابی حلقہ بندیوں کو دوبارہ ترتیب دینے والے حد بندی کمیشن کے احکامات20 مئی سے نافذ العمل ہوں گے۔
