بی او پی اِی اِی نے ایم ایس سی نرسنگ کورسز کیلئے کامن اَنٹرنس ٹیسٹ کا اِنعقاد کیا

سری نگر//جموں و کشمیر بورڈ آف پروفیشنل اَنٹرنس ایگزامینیشنز (بی او پی اِی اِی) نے جموںاور سری نگر سینٹروں میں تعلیمی سیشن 2026-27کے لئے ایم ایس سی نرسنگ کورسز 2026کے کامن اَنٹرنس ٹیسٹ ( سی اِی ٹی ) کا اِنعقاد کیا۔صوبہ کشمیرمیں یہ امتحان ایس پی کالج ایم اے روڈسری نگر جبکہ صوبہ جموں میں گورنمنٹ گاندھی میموریل سائنس کالج، جموں میں منعقد کیا گیاجس میں جموں و کشمیر بھر سے مجموعی طور پر 447اُمیدواروں نے شرکت کی۔ اَنٹرنس ٹیسٹ کے پُر امن اور احسن اِنعقاد کو یقینی بنانے کے لئے چیئرپرسن جموں وکشمیر بی او پی اِی اِی پروفیسر مینو مہاجن کی رہنمائی میں متعلقہ اداروں،کالج انتظامیہ اور قانون عملانے والے اداروں کے اشتراک سے تمام ضروری اِنتظامات کئے گئے۔امتحان کے دوران متعلقہ اِداروں اور کالجوں کے عملے کی کڑی نگرانی میں کوئی ناخوشگوار یا غیر منصفانہ واقعہ پیش نہیں آیا۔چیئرپرسن نے بورڈ کے اراکین، سیکرٹری، کنٹرولر اِمتحانات اور جموں و کشمیر بی او پی اِی اِی کے دیگر حکام کے ہمراہ جموں اور سری نگر میں کامن اَنٹری ٹیسٹ کے اِنعقاد کی سرگرمی سے نگرانی کی۔ اُنہوں نے اِمتحان کے کامیاب اور احسن انعقاد پر متعلقہ اِداروں،کالجوں کے عملے اور ضلعی ہیڈکوارٹروں میںضلع ترقیاتی کمشنروں کی مجموعی نگرانی میں تعینات عملے کا شکریہ اَدا کیا۔