جموں و کشمیر میں جولائی 2025 کے لئے گاڑیوں کا کاروبار دبائو میں
سرینگر//ٹی ای این / جموں و کشمیر میں جولائی 2025 کے لئے، 2 پہیوں کے زمرے میں جولائی 2024 میں 11,264 یونٹس کے مقابلے میں 10,888 یونٹس پر3.34 فیصد کی کمی دیکھی گئی۔3وہیلرز کے زمرے میں جولائی 2025 میں 1,210 یونٹس پر 2.26 فیصد اضافہ ہوا، جو کہ جولائی 2024 میں 1,181 یونٹس تھا۔کمرشل گاڑیوں کے زمرے میں جولائی 2024 میں 926 یونٹس کے مقابلے میں جولائی 2025 میں 714 یونٹس پر 22.89 فیصد کی کمی دیکھی گئی۔تعمیراتی آلات کے زمرے میں جولائی 2025 میں 23 یونٹس میں48.89 فیصد کی بڑی کمی دیکھی گئی، جو جولائی 2024 میں 45 یونٹس کے مقابلے میں تھی۔مسافر گاڑیوں کے زمرے میں جولائی 2024 میں 5,448 یونٹس کے مقابلے میں جولائی 2025 میں 4,735 یونٹس پر13.09 فیصد کی کمی دیکھی گئی۔ٹریکٹر گاڑیوں کے زمرے میں جولائی 2024 میں 362 یونٹس کے مقابلے میں جولائی 2025 میں 3.31 فیصد کی 350 یونٹس کی کمی دیکھی گئی۔جموں و کشمیر میں جولائی 2025 میں کل رٹیل فروشی 17,920 ہے جبکہ جولائی 2024 میں یہ 19,226 تھی اس طرح سالانہ 6.79% کی کمی درج کی گئی۔اس سلسلے میں معلومات فیڈریشن آف آٹوموبائل ڈیلرز ایسوسی ایشنز (FADA) کے چیئرپرسن سنجے اگروال نے فراہم کیں۔انہوں نے کہا کہ جموں و کشمیر میں، جولائی 2025 کے مہینے میں تقریباً تمام زمروں میں 2 پہیہ گاڑی، تجارتی گاڑی، تعمیراتی سامان، مسافر گاڑی اور ٹریکٹر میں کمی دیکھی گئی۔واحد زمرہ جس میں 2.46 فیصد کی معمولی ترقی دیکھنے میں آئی وہ 3 وہیلر زمرے ہیں۔ مجموعی طور پر جولائی 2025 میں جموں و کشمیر میں 6.79فیصد سالانہ کی کمی دیکھی گئی جو تشویش کا باعث ہے،۔اگروال نے کہاکہ آنے والے مہینوں میں شروع ہونے والے تہواروں کے سیزن کے آغاز سے مثبت رفتار آنے کی امید ہے۔ جموں و کشمیر بھر کے ڈیلرز تازہ انوینٹری اور پروموشنل آفرز کے ساتھ تیاری کر رہے ہیں، خاص طور پر رکھشا بندھن، جنم اشٹمی، یوم آزادی اور نوراتری اور دیوالی کے دوران بہتر لوگوں کی آمد کی امید میں۔
