کئی وفود سے ملاقات کی ، سیاسی انتخابی صورتحال کے بارے میں بات چیت کی
سرینگر///وزیر داخلہ امت شاہ نے اپنا مختصر دورہ کشمیر مکمل کرکے واپس دلی چلے گئے جبکہ وزیر داخلہ کے ساتھ متعدد وفود بشمول ، گوجر بکروال طبقہ، سکھ وفود اور دیگر سیاسی لیڈران نے ان سے ملاقات کی ۔ اپنے دورے کے دوران امت شاہ نے کشمیر میں مجموعی سیاسی صورتحال سے متعلق جانکاری حاصل کی ۔ وائس آف انڈیا کے مطابق مرکزی وزیر داخلہ امت شاہ نے جمعہ کو وادی کشمیر کا اپنا مختصر دورہ مکمل کیا جس کے دوران انہوں نے بی جے پی اور مقامی سکھوں سمیت کئی وفود سے بات چیت کی۔اگرچہ جموں و کشمیر میں لوک سبھا انتخابات کے درمیان ان کے دورے نے کشمیر میں مقیم مرکزی دھارے کے کچھ سیاسی رہنماؤں کے ساتھ ان کی ملاقاتوں کی قیاس آرائیاں کیں، لیکن وادی چھوڑنے سے پہلے وزیر کی مصروفیات کے بارے میں کوئی سرکاری بیان سامنے نہیں آیا۔ ادھر کپواڑہ سے پہنچے پہاڑی برادری کے وفد نے انہیں ایس ٹی کا درجہ دینے اور ایس ٹی میں ریزرویشن فیصد کم نہ کرنے کے گوجر-بکروالوں کی طرف سے کئے گئے وعدے کو پورا کرنے کے لئے ان کا شکریہ ادا کیا۔وزیر داخلہ امت شاہ نے کل دیر رات تک کئی وفود سے ملاقات کی اور زمینی حقیقت کے بارے میں جانکاری حاصل کی۔ وزیر داخلہ سے کئی وفود نے ریاست میں پنچایتوں اور شہری اداروں کے انتخابات اور اسمبلی انتخابات جلد کرانے کا مطالبہ بھی کیا گیا۔ ان کے دورے کے پیش نظر سیکورٹی کے سخت انتظامات کیے گئے تھے۔وزیر داخلہ شام چھ بجے ایک خصوصی طیارے کے ذریعے سری نگر ہوائی اڈے پر پہنچے اور وہاں سے ان کا قافلہ ہاف چنار، راجباغ، زیرو برج، ٹی آر سی، گپکار سے ہوتا ہوا ڈل جھیل کے کنارے واقع ایک ہوٹل پہنچا، جہاں بی جے پی کے جموں و کشمیر کے رہنماؤں نے شرکت کی۔ ان سے ملنے والے وفود میں گجر بکروال، پہاڑی، سول سوسائٹی، تاجر، پارٹی وفد، سکھ وفد وغیرہ شامل تھے۔دریں اثناء بارہمولہ میں 20 مئی کو انتخابات ہوں گے، اننت ناگ-راجوری حلقہ کے لیے ووٹنگ 25 مئی کو مقرر ہے جب اسے خراب موسم کی وجہ سے 7 مئی کے پہلے شیڈول سے ملتوی کیا گیا تھا۔بی جے پی کی جموں و کشمیر یونٹ کے جنرل سکریٹری سنیل شرما نے کہاتھا کہ وزیر داخلہ کا کشمیر کا دورہ سیاسی نہیں ہے۔مقامی بی جے پی لیڈروں نے کہا تھا کہ شاہ جموں و کشمیر میں سیکورٹی صورتحال پر ایک جائزہ میٹنگ کریں گے کیونکہ لوک سبھا انتخابات کے بعد سالانہ امرناتھ یاترا 29 جون کو شروع ہو کر 19 اگست کو اختتام پذیر ہو گی۔ تاہم یہ میٹنگ بھی نہیں ہے البتہ وزیر داخلہ نے وفود کے ساتھ بات کرتے ہوئے سیاسی اور حفاظتی صورتحال کے بارے میں جانکاری حاصل کی ۔ یہاں یہ امر قابل ذکر ہے کہ جموں و کشمیر کے مرکزی علاقے میں یاترا کے بعد اسمبلی انتخابات ہو سکتے ہیں کیونکہ سپریم کورٹ نے ان انتخابات کے انعقاد کے لیے مرکز کو 30 ستمبر کی آخری تاریخ دی ہے۔
