’بیٹی بچائو،بیٹی پڑھائو ‘اَقدام کے تحت لڑکیوں کی تعلیم میں معاونت کیلئے سٹیشنری کِٹس تقسیم

گاندربل / /نوجوان لڑکیوں کی تعلیم کو فروغ دینے اور اُنہیں بااِختیار بنانے کے لئے’’ بیٹی بچاؤ، بیٹی پڑھاؤ‘‘(بی بی بی پی) پہل کے تحت ایک تقسیمی تقریب کا انعقاد کیا گیا جس میں کنگن گاندربل کے زون ہری گنوان میں طالبات کو سٹیشنری کٹس فراہم کی گئیں۔ڈسٹرکٹ سوشل ویلفیئر آفیسر گاندربل کی نگرانی میں سنکلپ ایچ اِی ڈبلیو ایم ایس گاندربل کی نگرانی میں منعقدہ اس پروگرام نے صنفی مساوات اور تعلیمی رَسائی کی جانب ایک اہم پیش رفت کی نشاندہی کی۔سٹیشنری کٹس میں ضروری تعلیمی مواد جیسے نوٹ بک ، قلم ، پنسل اور جیومیٹری سیٹ شامل ہیں۔مڈل سکول جی بی ہری گنوان، مڈل سکول باغی سرفرو، مڈل سکول جی بی تھون اور مڈل سکول سید بستی سرفرائو کی طالبات نے اپنے تعلیمی سفر میں مدد کے لئے جاری کوششوں کے حصے کے طور پر کٹس حاصل کئے۔اس اَقدام کا مقصد معیاری تعلیم تک رَسائی میں نوجوان لڑکیوں کو درپیش چیلنجوں سے نمٹنا ہے۔