ڈِسٹرکٹ الیکشن آفیسر نے کولگام میں رائے دہندگان کی بیداری کیلئے سویپ وین کو ہری جھنڈی دِکھا کرروانہ کیا

کولگام//ڈِسٹرکٹ الیکشن آفیسر کولگام اطہر عامر خان نے ضلع میں سسٹمیٹک ووٹرز ایجوکیشن اینڈ الیکٹورل پارٹیسی پیشن (ایس وی ای ای پی) کی اہمیت کے بارے میں عوام میں بیداری پیدا کرنے کی کوشش میں آج ڈی سی آفس کمپلیکس کولگام سے ووٹر بیداری وین کو ہری جھنڈی دکھا کر روانہ کیا۔اِس موقعہ پر ایڈیشنل ڈپٹی کمشنر، ڈپٹی ڈسٹرکٹ الیکشن آفیسرو نوڈل آفیسر ایس وِی اِی پی اور دیگر افسران و اہلکار موجود تھے۔ڈی اِی او نے سویپ کے مقاصد پر روشنی ڈالتے ہوئے ووٹ کی اہمیت کے بارے میں وسیع پیمانے پر آگاہی کی اہمیت پر زور دیا اور بتایا کہ اس اَقدام کا مقصد عوام کو سسٹمیٹک ووٹرز ایجوکیشن اینڈ الیکٹورل پارٹیسی پیشن (ایس وِی اِی اِی پی) کی اہمیت کے بارے میں آگاہ کرنا اور اِنتخابات کے دوران ٹرن آؤٹ میں اضافہ کرنا ہے۔اُنہوں نے مزید کہا کہ ایک جامع سویپ( ایس وِی اِی اِی پی )سرگرمی کیلنڈر تیار کیا گیا ہے اور وضع کردہ سرگرمی کیلنڈر کے مطابق سرگرمیاں انجام دی جارہی ہیں۔