بانڈی پورہ// ضلع انتظامیہ بانڈی پورہ نے آج منی سیکرٹریٹ بانڈی پورہ میںایس وِی اِی اِی پی (سسٹمیٹک ووٹرز کی تعلیم اور انتخابی شرکت) کے تحت رائے دہندگان کی تعلیم اور شرکت کو فروغ دینے کی جاری کوششوں کے ایک حصے کے طور پر کبوتر چھوڑنے کی ایک منفرد پہل کا اہتمام کیا۔ڈسٹرکٹ الیکشن آفیسر بانڈی پورہ شکیل الرحمان، ڈپٹی ڈسٹرکٹ الیکشن آفیسر محمد رفیق بٹ ، چیف ایجوکیشن آفیسر ڈاکٹر جی ایم پوجو ، بی ایل او اور دیگرمتعلقین نے کبوتر چھوڑنے کی تقریب میں شرکت کی۔اس پروگرام کی سب سے بڑی کشش پہلی بار رجسٹرڈ نئے رجسٹرڈ ووٹروں کی شرکت تھی جو آئندہ پارلیمانی اِنتخابات میں اپنا پہلا ووٹ ڈالنے جا رہے ہیں۔ڈی ای او بانڈی پورہ نے پہلی بار رائے دہندگان کے ساتھ مل کر کبوتروں کو ان کے گلے میں ’’میرے ملک کے لئے میرا ووٹ ‘‘کے پیغامات کے ساتھ چھوڑا ۔اِس موقعہ پر ڈی ای او نے پہلی بار ووٹ ڈالنے والوں سے بات چیت کی اور اس بات کو یقینی بنانے پر زور دیا کہ نوجوان اپنے حق رائے دہی کا استعمال کرنے کے لئے باخبر اور بااختیار ہوں۔انہوں نے سویپ ٹیم پر زور دیا کہ وہ خلا کو پر کرنے کے لئے مزید فعال اقدامات اُٹھائے اور اس بات کو یقینی بنائے کہ ہر اہل ووٹر کو اپنے ووٹ کا حق استعمال کرنے کے لئے باخبر اور بااختیار بنایا جائے۔بعد میں کانفرنس ہال منی سیکرٹریٹ بانڈی پورہ میں سویپ کے تحت ایک بیداری پروگرام بھی منعقد کیا گیا جس میں پہلی بار ووٹروں، بی ایل اوز اور دیگر متعلقین نے شرکت کی۔
