مندیپ کور نے جے ڈی اے کے کام کاج کا جائزہ لیا

جموں//کمشنر سیکرٹری مکانات و شہری ترقی محکمہ مندیپ کور نے وکاس بھون ریل ہیڈ کمپلیکس میں منعقدہ میٹنگ میں جموں ڈیولپمنٹ اتھارٹی (جے ڈی اے) کے کام کاج کا جائزہ لیا۔وائس چانسلر جے ڈی اے بھوانی رکوال نے جے ڈی اے میں عملے کی شدید کمی کو اُجاگر کرتے ہوئے جے ڈی اے کے کام کاج کے بارے میں تفصیلی پرزنٹیشن پیش کی۔کمشنر سیکرٹری نے جے ڈی اے کو مشورہ دیا کہ وہ کم سے کم عملے کی نشاندہی کرے جس کی جے ڈی اے میں جیسے ٹائون پلاننگ سیکشن ، ریونیووِنگ ، خلاورزی وِنگ کے عملے کی فوری بنیادوں پر ضرورت ہے ۔میٹنگ میں محکمہ کے مختلف وِنگوں کے کام کاج کو بہتر کرنے کی بھی ہدایت دی گئی جن کا عوام سے براہ راست رابطہ ہے تاکہ انہیں زیادہ سے زیادہ عوام دوست بنایا جاسکے۔ اُنہوں نے ماسٹر پلان کے جائزے کی مشق کی بروقت تکمیل پر زور دیا۔کمشنر سیکرٹری نے جے ڈی اے کے ملازمین پر زور دیا کہ وہ دفتر میںسرکاری ملازم سے توقع کی جانے والی اعلیٰ ترین لگن، ایمانداری اور شفافیت کے اعلیٰ معیار کے ساتھ کام کریں اور جے ڈی اے کے بڑے پروجیکٹوں کی بروقت تکمیل کے لئے ہدایات جاری کیں۔مندیپ کور نے جے ڈی اے کے جاری پروجیکٹوں کا جائزہ لیتے ہوئے تمام جاری پروجیکٹوں کو بروقت مکمل کرنے کی ہدایت دی۔میٹنگ میں ڈائریکٹر فائنانس ایچ اینڈ یو ڈی ڈی سیما بھسین، ڈائریکٹر پلاننگ ایچ اینڈ یو ڈی ڈی یوگیندر کٹوچ اور ایچ اینڈ یو ڈی ڈی اور جے ڈی اے کے دیگر افسران نے شرکت کی۔