محکمہ اطلاعات کشمیر کا ثناء رشید کے ساتھ اِظہار تعزیت

سری نگر // جوائنٹ ڈائریکٹر اِنفارمیشن کشمیر محمد اسلم نے آج محکمہ کی سینئر اسسٹنٹ ثناء رشید کی والدہ نسبتی کے انتقال پر گہرے دُکھ کا اِظہا ر کیا ہے ۔اِس سلسلے میں جوائنٹ ڈائریکٹر اِنفارمیشن کشمیر نے آج یہاں جے ڈی آئی کے آفس ایکسچینج روڈ کوٹھی باغ میں اَپنے دفتر چیمبر میں ایک تعزیتی میٹنگ کا اِنعقاد کیا۔دوران میٹنگ جوائنٹ ڈائریکٹر نے ثناء رشید اور ان کے اہل خانہ سے دلی ہمدردی او ریکجہتی کا اِظہار کیا ہے۔اُنہوں نے مرحومہ کی روح کے اَبدی سکون اور سوگوار کنبے کے لئے یہ ناقابل تلافی نقصان برداشت کرنے کی ہمت کے لئے دعا کی۔دریں اثناء، ڈپٹی ڈائریکٹر ( پی آر ) کشمیر بلال مختار، اسسٹنٹ ڈائریکٹرو ایف پی او ایم اسلم خان،کلچرل آفیسر برہان حسین اور محکمہ اطلاعات کشمیر کے دیگر افسران اورملازمین نے بھی اپنے ساتھی اور سوگوارکنبے کے ساتھ ہمدردی اور یکجہتی کا اِظہار ہے اور مرحومہ کی روح کے دائمی سکون کے لئے دعا کی ہے۔