سرینگر // فوج گزشتہ ایک سال سے تبدیلی کی راہ پر گامزن ہے کی بات کرتے ہوئے فوجی سربراہ جنرل منوج پانڈے نے کہا کہ ہم اس بات پر زور دیتے ہیں کہ ’’بہترین میں سے بہترین‘‘کو مسلح افواج کی بنیادی افرادی قوت کے طور پر برقرار رکھا جائے۔انہوں نے مزید کہا کہ اگنیور اسکیم مسلح افواج کے نوجوان پروفائل کو یقینی بنائے گی۔ سٹار نیوز نیٹ ورک کے مطابق کالج آف ملٹری انجینئرنگ میں کانووکیشن اور اسکرول پریزنٹیشن تقریب سے خطاب کرتے ہوئے فوج کے سربراہ جنرل منوج پانڈے نے ’’اگنی پتھ‘ اسکیم‘‘ کو افرادی قوت کے حصول کا طریقہ کار قرار دیا اور زور دے کر کہا کہ یہ مسلح افواج کے نوجوان پروفائل کو یقینی بنائے گی۔انہوں نے کہا کہ اسکیم اس بات کو بھی یقینی بناتی ہے کہ ’’بہترین میں سے بہترین‘‘کو مسلح افواج کی بنیادی افرادی قوت کے طور پر برقرار رکھا جائے۔ جنرل پانڈے نے کہا کہ اگنیوروں کا اکائیوں اور ذیلی یونٹوں میں انضمام کلیدی حیثیت رکھتا ہے کیونکہ ان کی تشخیص اور خدمات میں برقرار رکھنا مکمل طور پر میرٹ پر مبنی ہے۔ انہوں نے کہا کہ آپ سب اپنی اکائیوں میں نچلی سطح پر اہم اسٹیک ہولڈر بننے جا رہے ہیں۔ جنرل پانڈے نے کہا ’’میں چاہتا ہوں کہ آپ پیشہ ورانہ قیادت اور رہنمائی فراہم کریں جیسا کہ ایک اچھے سب یونٹ کمانڈر سے توقع کی جاتی ہے‘‘۔اعلیٰ دفاعی عہدیدار نے کہا کہ ہندوستانی فوج گزشتہ ایک سال سے تبدیلی کی راہ پر گامزن ہے۔ انہوں نے کہا کہ تبدیلی کی ضرورت نے چار کلیدی محرکات حاصل کیے ہیں جیسے کہ جیو اسٹریٹجک منظر نامے میں بے مثال رجحانات، تباہ کن ٹیکنالوجی کی لامحدود صلاحیت، جنگ کا بدلتا ہوا کردار اور سماجی و اقتصادی صورتحال میں گہری تبدیلیاں ہے ‘‘۔انہوں نے کہا’’ بدلتے ہوئے ڈیزائن کو متاثر کرنے کے لیے ان ضروریات کو پورا کرنے کیلئے ہم نے ایک سال قبل ایک تبدیلی کا روڈ میپ نافذ کیا تھا۔ ہم نے تبدیلی کے روڈ میپ کے تمام وسیع ستونوں پر مسلسل توجہ اور محرک کو یقینی بنانے کے لیے اچھی پیش رفت اور اچھی شروعات کی ہے‘‘۔خطاب کے دوران انہوں نے کہا ’’آپ کی توجہ روایتی طریقوں سے آگے بڑھنی چاہئے، نئے تصورات اور جدید ڈیجیٹل انجینئرنگ کے طریقوں کو شامل کرنا۔ آپ کو جدید ٹیکنالوجی سے فائدہ اٹھانے میں ماہر ہونے کی ضرورت ہے جیسے ڈرونز کے ذریعہ سروے کرنا ہے ‘‘۔
