سرینگر سمیت ملک کے کئی ہوائی اڈوں پر چلایا جا رہا ہے
سرینگر//وادی کے گریز سے تعلق رکھنے والے عادل گریزی نے تاریخ رقم کی کیونکہ جہاں انکے نئے کشمیری نغمے’کشمیر‘ نے دھوم مچائی ہے وہی سرینگر انٹرنیشنل ائرپورٹ کے علاوہ کئی ہوائی اڈوں پر سیاحوں کے استقبال کے لیے انکا گانا چلایا جا رہا ہے۔یہ نغمہ محکمہ سیاحت، سری نگر اسمارٹ سٹی اور سری نگر میونسپل کارپوریشن کے ساتھ ایک خوبصورت اشتراک ہے۔اس تازہ ترین ٹریک ’’کشمیر‘‘نے قومی توجہ حاصل کی ہے اور موسیقی انڈسٹری میں لہریں مچا رہا ہے۔ یہ نغمہ ریلیز کے بعد سے ہی پذیرائی حاصل کر رہا ہے، جس نے تیزی سے ملک بھر میں سامعین کے دلوں کو اپنی گرفت میں لے لیا۔اس گانے نے نہ صرف انٹرنیٹ پر مقبولیت حاصل کی ہے بلکہ یہ ملک بھر کے متعدد ہوائی اڈوں پر بھی چلایا جا رہا ہے۔ اس کے منفرد اور دل کو چھو لینے والے بول، دلکش انداز کے ساتھ مل کر، اسے موسیقی کے شائقین میں پسندیدہ بنا دیا ہے۔ممبئی سے بات کرتے ہوئے عادل نے انکشاف کیا کہ اسے اپنے لوگوں، اپنے وطن کے لیے وقف کرنے اور دنیا بھر کے سیاحوں کو وادی گلپوش کی جانب راغب کرنے کے طور پر ’کشمیر‘‘ نغمہ تیار کرنے میں مہینوں لگے۔ انہوں نے کشمیر کے مثبت پہلوؤں کو ظاہر کرنے اور باہر کے لوگوں کو خوش آئند تجربہ فراہم کرنے کی خواہش کا اظہار کیا۔عادل نے میوزک انڈسٹری میں اپنے سفر کو شیئر کرتے ہوئے کہا کہ اپنی جائے پیدائش کشمیر کو فروغ دینا ان کا ہمیشہ سے خواب رہا ہے۔ان کا کہنا تھا کہ اگرچہ چیلنجوں کا سامنا تھا، لیکن آخر کار وہ جموں و کشمیر ٹورازم اور سری نگر میونسپل کارپوریشن کے تعاون سے اس خواب کو شرمندہ تعبیر کرنے میں کامیاب رہا۔انہوںنے اس بات پر زور دیا کہ ’کشمیر‘‘دنیا بھر کے تمام سیاحوں کے لیے وقف ہے، جو ان کے دورے کا پرتپاک خیر مقدم کرتے ہیں۔ یہ نغمہ کشمیر کی قدرتی خوبصورتی ، اس کے دریاؤں، ندی نالوں، چنار کے درختوں اور شاندار پہاڑوں کے ذکر کے ساتھ کو واضح طور پر پیش کرتی ہے۔ عادل کا ارادہ موسیقی کے ذریعے کشمیر کی نمائندگی کرنا تھا، ایک ایسا ترانہ بنانا تھا جو اس کی روح کو مجسم بناتا ہو۔ اب ’کشمیر‘ ملک بھر کے ہوائی اڈوں پر چلایاجا رہا ہے یہ پہچان گانے کے اثر اور کامیابی کو مزید بڑھا دیتی ہے۔ عادل نے یہ جان کر خوشی کا اظہار کیا کہ کشمیر کی خوبصورتی اس کی سرحدوں سے باہر کے لوگوں کو دکھائی جا رہی ہے۔عادل نے اس زبان میں گانے تخلیق کرنے کی اہمیت پر بھی روشنی ڈالی جسے باہر کے لوگ سمجھ سکتے ہیں، جس سے وہ نہ صرف موسیقی کی تعریف کر سکتے ہیں بلکہ کشمیر کی فطرت کے جوہر سے بھی جڑ سکتے ہیں۔2018 میں گانے ’’چاند‘‘سے اپنے موسیقی کے سفر کا آغاز کرنے کے بعد سے عادل گریزی کشمیری میوزک انڈسٹری میں ایک نام بن چکا ہے۔ اس کے گانے ’’ ڈوپٹہ نیونم‘‘ نے انہیں نام دیا اور ایک باصلاحیت فنکار کے طور پر ان کی پوزیشن مستحکم کی۔عادل نے اپنی اداکاری اور گلوکاری کی صلاحیتوں کے لیے 2023 میں آئی ٹی ایم فلم فیسٹیول ایوارڈ، اور 2022 میں مڈ ڈے انڈیا اور 2021 میں امپیریا ایوارڈ حاصل کرتے ہوئے، ہٹ گانوں کو ریلیز کرنا جاری رکھا ہے۔
