ثقافتی فیسٹول ہندوستانی ادب، فن اور ثقافت کے ورثے کی عکاسی کرے گا
سری نگر//ٹیگور ہال میں آج تین روزہ ثقافتی کاروان۔وراثت 2023ء کا اِفتتاح کیا گیا ۔ اِس تقریب کا اِنعقاد جشنِ اَدب نے مرکزی حکومت وزارتِ ثقافت کے اِشتراک سے کیا ہے۔اِس ثقافتی فیسٹول کا مقصد ہندوستانی اَدب ، فن اور ثقافت کے بھرپور ورثے کی عکاسی کرنا ہے۔اَگلے تین دِنوں کے دوران حاضرین کو دِلچسپ پروگراموں سے محظوظ کیا جائے گا جس میں گفتگو سیشن ، شاعری سمیلن کی تال میلانہ ہم آہنگی اور مشاعرہ شامل ہیں جن میں ملک کے کونے کونے سے تعلق رکھنے والے ممتاز شعراء آئے ہوئے ہیں۔ایک نامور شاعر اور مصنف پدم شری پروفیسر اشوک چکر دھر نے اَپنے خطاب میں زبان کی لازوال طاقت پر زور دیا جو اِنسانی دِلوں کی گہرائیوں سے نکلتی ہے ۔ اُنہوں نے فصاحت کے ساتھ اِظہارکیا کہ جب شاعری پروان چڑھتی ہے ، زبان پروان چڑھتی ہے اور اس کی عدم موجودگی میں زبان فراموشی میں پڑ جاتی ہے۔سیکرٹری ثقافت و سیاحت سیّد عابد رشید شاہ نے ثقافتی ورثے کی حفاظت کے لئے نوجوانوں کے کندھوں پر بنیادی ذمہ داری ڈالنے پر زور دیا۔اُنہوں نے واضح کیا کہ آرٹ اور اَدب کی صلاحیت اَپنے عہد کے زیٹجیسٹ کی آئینہ دار ہے ۔ اُنہوں نے مزید کہا کہ اگر لوگ بدلتے ہوئے وقت کے ساتھ ارتقا کے لئے ہچکچاتے ہیں، تو زبان اور اَدب کے تانے بانے لامحلہ ٹوٹ سکتے ہیں۔اُردو شاعر اور جشنِ اَدب فائونڈیشن کے بانی کنور رنجیت چوہان نے ہندوستانی فن ثقافت اور اَدب کی لازوال رونق کو سراہا۔اُنہوں نے کہاکی کہ ڈیجیٹل دورے نے نوجوانوں میں ہندی اور اُردو کی دولت کو تلاش کرنے کے لئے ایک نئی دِلچسپی کا آغاز کیا ہے جس سے لازوال آرٹ اور جدید پلیٹ فارموں کے درمیان تفاوت کو مؤثر طریقے سے ختم کیا جارہا ہے ۔ یہ دوبارہ پیدا ہونے والا ہندوستانی فن کو مرکزی دھارے میں نمایاں مقام کی طرف لے جارہا ہے۔
