ناظم اطلاعات اور ملازمین کا جہانگیر احمد کی والدہ کے اِنتقال پر اِظہار تعزیت

سری نگر// ناظم اطلاعات جموں وکشمیر مِنگا شیر پا نے جونیئر اسسٹنٹ ڈی آئی پی آر جہانگیر احمدکی والدہ کے اِنتقال پر گہرے دُکھ کا اِظہار کیا ہے جو مختصر علالت کے بعد اِنتقال کر گئیں۔ اَپنے تعزیتی پیغام میں ناظم اِطلاعات نے جہانگیر احمد اور ان کے اہل خانہ سے دلی تعزیت کا اِظہار کرتے ہوئے مرحومہ کی روح کے اَبدی اور دائمی سکون کے لئے دعا کی۔دریں اثنأ ، ڈی آئی پی آر کے ملازمین نے بھی جہانگیر احمد کی والدہ کے اِنتقال پرگہرے دُکھ کا اِظہار کیا ۔محکمہ کے اَفسران اور ملازمین نے بھی سوگوار کنبے کے ساتھ ہمدردی او ریکجہتی کا اِظہار کرتے ہوئے مرحومہ کی روح کے ابدی سکون اور سوگوار کنبے کی ہمت کے لئے دعا کی۔