سری نگر//حکام نے بتایا کہ وادی کشمیر کے شوپیاں ضلع کو جڑواں سرحدی اضلاع راجوری اور پونچھ سے ملانے والی مغل روڈ کو لینڈ سلائیڈنگ کی وجہ سے ایک گھنٹے سے زائد عرصے تک بند رہنے کے بعد گاڑیوں کی آمدورفت کے لیے دوبارہ کھول دیا گیا۔کشمیر نیوز سروس ( کے این ایس ) کے مطابق ڈی ٹی آئی مغل روڈ شوکت امین خان نے جی این ایس کو بتایا کہ لینڈ سلائیڈ سے ملبہ ہٹا دیا گیا اور متاثرہ جگہ پر گاڑیوں کی آمدورفت بحال کر دی گئی۔حکام نے بتایا کہ لینڈ سلائیڈنگ کی وجہ سے اس پہاڑی ضلع میں رتہ چمب کے قریب سڑک بند ہو گئی تھی۔ فوری طور پر، انہوں نے کہا، سڑک کو صاف کرنے کے لیے لوگوں اور مشینری کو کام میں لگا دیا گیا۔
