بانڈی پورہ اِنتظامیہ نے ریڈکراس کے تحت غریب کنبوں میںفوڈ کِٹس تقسیم کیں

بانڈی پورہ//ضلع اِنتظامیہ بانڈی پورہ نے بے سہارا کنبوں کی فلاح و بہبود کے لئے ایک ہمدردانہ قدم اُٹھاتے ہوئے ضرورت مند اور پسماندہ کنبوں میں فوڈ کٹِس تقسیم کیں تاکہ ان کی روزمرہ ضروریات کو پورا کیا جاسکے۔یہ اقدام ڈسٹرکٹ ریڈ کراس سوسائٹی کے تحت مختلف سرگرمیوں کے ایک حصے کے طور پر شروع کیا گیا تھا۔فوڈ کِٹس میں ضروری اشیائے خوردو نوش جیسے چاول ، آٹا ، چینی ، چائے اور دیگر اشیاء شامل تھیں۔ تقسیم مہم کا اِنعقاد ضلع اِنتظامیہ بانڈی پورہ نے ضلع ترقیاتی کمشنر ڈاکٹر اویس احمد کی موجودگی میں کیا ہے۔اِس موقعہ پر ڈاکٹر اویس احمد نے خطاب کرتے ہوئے کہا کہ ضلعی اِنتظامیہ معاشرے کے پسماندہ طبقات کی فلاح و بہبود کے لئے پُر عزم ہے اور مستقبل میں بھی ایسے اقدامات جاری رکھے گی۔