اِنتظامی کونسل نے خواتین بٹالین سے متعلق تعمیراتی کاموں کیلئے اِنتظامی منظور ی دی

جموں//اِنتظامی کونسل کی میٹنگ لیفٹیننٹ گورنر منوج سِنہا کی صدارت میں منعقد ہوئی جس میں سوپور ، بارہمولہ اور پر گلٹا اور جموں میں خواتین بٹالین کے تعمیراتی کاموں کو اِنتظامی منظور ی دی ہے۔میٹنگ میں لیفٹیننٹ گورنر کے مشیرفاروق خان ، مشیرراجیو رائے بھٹناگر ، چیف سیکرٹری ڈاکٹر ارون کمار مہتا ، لیفٹیننٹ گورنر کے پرنسپل سیکرٹری نتیشور کمار نے شرکت کی۔تعمیراتی کاموں کی تخمینہ لاگت 50کروڑ روپے سے کی جائے گی اور اِس میں ایڈمنسٹریشن بلاکس، ریذیڈنشل اقامت ، ہوسٹل اور دفتری عمارتیں شامل ہوں گی ۔اِس کا کام تین ورکنگ سیزن میں مکمل کیا جائے گا۔اِس سے قبل حکومت نے خواتین کے خلاف جرائم میں اِضافے کو روکنے کے لئے2014ء میں خواتین اَفسران او راہلکاروں کو مختلف رینک کی بھرتی اَسامیوں کی منظور ی دے کر دو خواتین بٹالین قائم کی تھیں۔اِن اَسامیوںکا بھرتی عمل فی الحال جاری ہے۔