پی ایم اے وائی ( جی ) کے مستحقین کے تمام گھرانوں کی آواس پلس پر رجسٹریشن مکمل کریں

جموں//کمشنر سیکرٹری دیہی ترقی اور پنچائتی راج مندیپ کور نے افسران کو ہدایت دی کہ وہ پی ایم اے وائی ( جی ) کے مستحقین کے تمام گھرانوں کی آواس پلس پر رجسٹریشن کا عمل جنگلی بنیادوں پر مکمل کریں ۔ کمشنر سیکرٹری نے یہ ہدایات جموں و کشمیر کے تمام اسسٹنٹ کمشنرز ڈیولپمنٹ ( اے سی ڈی ) کے ساتھ ویڈیو کانفرنس کے ذریعے منعقدہ جائیزہ میٹنگ سے خطاب کرتے ہوئے جاری کیں ۔ کمشنر سیکرٹری نے کچھ اضلاع میں رجسٹریشن کے عمل کی سست رفتار پر مایوسی کا اظہار کرتے ہوئے افسران سے کہا کہ وہ اتوار کو بغیر کسی تاخیر کے کام کو مکمل کریں تا کہ نئے ہدف کی پہلی قسط پیر تک تمام اہل مستحقین کو جاری کی جا سکے ۔ انہوں نے متعلقہ اے سی ڈیز کو یہ بھی ہدایت دی کہ وہ فیلڈ سٹاف کو چوبیس گھنٹے تعینات کر کے مقررہ ہدف کو حاصل کریں اور اس بات کو یقینی بنائیں کہ پورٹل پر کوئی نااہل فائدہ اٹھانے والا رجسٹرڈ نہ ہو ۔ انہوں نے دیہی ترقی کے محکمے ( آر ڈی ڈی ) جموں و کشمیر کے ڈائریکٹرز کو روزانہ کی بنیاد پر رجسٹریشن کے عمل کی قریب سے نگرانی کرنے کی تاکید کی تا کہ اس بات کو یقینی بنایا جا سکے کہ تمام مستفید کنندگان کو مقررہ مدت کے اندر اندر رجسٹر کیا جائے اور اس بات کو یقینی بنایا جائے کہ صرف اہل مستفیدین ہی رجسٹر ہوں ۔ کمشنر سیکرٹری نے مزید کہا کہ تمام پیرا میٹرز جیسے جاب کارڈ میپنگ ، آدھار سیڈنگ ، فزیکل تصدیق ، گرام سبھا کی منظوری اور دیگر معاملات مقررہ وقت کے اندر نمٹائے جائیں ۔ میٹنگ میں ڈائریکٹر دیہی ترقی جموں محمد ممتاز علی اور ڈائریکٹر آر ڈی ڈی کشمیر طارق زرگر نے بھی شرکت کی ۔