سرینگر //چیف سیکرٹری ڈاکٹر ارون کمار مہتا نے جموں و کشمیر میں ڈینگو کے پھیلاؤ کو روکنے کے سلسلے میں طبی تیاریوں کا جائیزہ لینے کیلئے ایک میٹنگ کی صدارت کی ۔ ایڈیشنل چیف سیکرٹری صحت اور طبی تعلیم کے ساتھ متعلقہ افسران اور طبی پیشہ ور افراد نے میٹنگ میں شرکت کی ۔ میٹنگ میں بتایا گیا کہ صوبہ جموں میں ڈینگو کے معاملات میں اضافہ دیکھا جا رہا ہے جس کی وجہ سے جمے ہوئے پانی کو صاف کرنے ، ویکٹر مچھروں کی افزائش ، ڈینگو انفیکشن کا جلد پتہ لگانا اور مناسب طبی دیکھ بھال کی دستیابی کیلئے ایک سرشار مہم کی ضرورت ہے ۔ ایڈیشنل چیف سیکرٹری نے میٹنگ کو احتاطی تدابیر کے طور پر پورے علاقے میں تھرمل فوگنگ کی وسیع مشقیں کرنے اور تالابوں میں لاروا مچھلیوں کے تعارف کے علاوہ ڈینگو انفیکشن کی جلد تشخیص کیلئے مفت ٹیسٹ کے انتظامات کے بارے میں آگاہ کیا ۔ چیف سیکرٹری ڈاکٹر مہتا نے محکمہ پر زور دیا کہ وہ احتیاطی مشورے /الرٹ جاری کرے اور ایک وسیع آئی ای سی ڈرائیو کرے جس میں گندگی کے ڈھیر کو صاف کر کے بیماری پر قابو پانے اور اس کو کم کرنے کیلئے ڈو اور ڈونٹس پر روشنی ڈالی جائے ۔ محکمہ صحت اور میڈیکل ایجوکیشن سے یہ بھی کہا گیا کہ وہ ڈینگو کے مریضوں کیلئے مناسب سیل /وارڈز اور مناسب انسانی وسائل کے ڈیپو ٹیشن کے ذریعے علاج معالجے کی مناسب سہولیات کو یقینی بنائے ۔
