5.85 کروڑ روپے کی لاگت سے ممتھ۔ ہندجان بڈگام سڑک کی بنیاد رکھی
بڈگام//مرکزی وزیر برائے خواتین اور بچوں کی ترقی سمرتی ایرانی جموں و کشمیر یو ٹی میں حکومت ہند کے پُر جوش عوامی آؤٹ ریچ پروگرام کے ایک حصے کے طور پر2 روزہ دورے پر بڈگام پہنچیں ۔ بڈگام پہنچنے کے بعد وزیر نے 4 ویں راشٹریہ پوشن ماہ 2021 کے جشن کے سلسلے میں ڈائریکٹوریٹ آف آئی سی ڈی ایس اور محکمہ سماجی بہبود کے زیر اہتمام ایک روزہ تقریب کی صدارت کی ۔ جموں و کشمیر یو ٹی میں تقریباً 9 کروڑ کو پوشن ابھیان اسکیم کے تحت پورے جموں و کشمیر کے مستحق خواتین اور بچوں کو مالی امداد فراہم کی گئی ہے ۔ وزیر نے کہا کہ میں نے تمام آنگن واڑی ورکرز کی کاوشوں کو سراہا جنہوں نے کووڈ 19 کے بحران کے دوران مشکل حالات کے باوجود اپنی خدمات پیش کرتے ہوئے عزم اور لگن کا مظاہرہ کیا ۔ انہوں نے کہا کہ ’’ میں تمام کووڈ جنگجوؤں ، ہیلتھ ورکرز ، پولیس ، سول انتظامیہ کے عہدیداروں اور دیگر رضا کاروں کو بھی سلام پیش کرتی ہوں جو تمام خطرات کے باوجود اپنے آپ کو زیادہ خطرے میں ڈال دیتے ہیں یہاں تک کہ جب ان کے قریبی اور عزیز بھی ان کی بروقت اور اہم خدمات انجام دے رہے ہوتے ہیں اور بہت سی قیمتی زندگیوں اور چیزوں بچاتے ہیں ۔ سیکرٹری سوشل ویلفئیر شیتل نندا نے اپنے استقبالیہ خطاب میں کہا کہ اس پوشن ماہ کو منانے کا مقصد متعلقہ لوگوں میں پیغام اور آگاہی پھیلانا ہے کہ وہ حمل کے مطلوبہ عرصے کے دوران کس طرح کی احتیاطی تدابیر اپنائیں ۔ اس موقع پر ڈی ڈی سی کے چئیر مین نذیر احمد خان ، ڈپٹی کمشنر شہباز احمد مرزا ، ایس ایس پی بڈگام طاہر سلیم خان سمیت تمام متعلقہ ضلعی افسران موجود تھے ۔ وزیر نے بڈگام میں ممتھ سے ہندجان تک آنے والی 10 کلو میٹر سڑک کی اپ گریڈیشن اور چوڑائی کا سنگِ بنیاد بھی رکھا جس پر 5.85 کروڑ روپے کی لاگت آئے گی جس پر نبارڈ کام کرے گا ۔ بعد میں وزیر نے کانفرنس ہال بڈگام میں افسران کے اجلاس کی صدارت کی تا کہ ڈسٹرکٹ بڈگام میں لائن ڈیپارٹمنٹ کے ذریعے لاگو کی جانے والی مختلف مرکزی اور ریاستی سپانسر اسکیموں کے ذریعے عمل میں آنے والے تمام شعبوں /سکیموں / منصوبوں سے متعلق ترقیاتی منظر نامے کا جائیزہ لیا جائے ۔ میٹنگ کے دوران وزیر نے چیلنجز کا سامنا کرنے اور تمام سکیموں کے متحرک نفاذ کو یقینی بنانے کیلئے تمام لائن ڈیپارٹمنٹس سے ذمہ داری کے اجتماعی اشتراک کی ضرورت پر زور دیا ۔ انہوں نے تھانون میں موبائیل ڈیسک کے قیام پر زور دیا جہاں گھریلو تشدد یا دیگر جسمانی زیادتیوں سے گذرنے والی خواتین کلائینٹ اپنی شکایات درج کرائیں ۔ وزیر نے کہا کہ اس کے علاوہ ایک سٹاپ سنٹر ( او ایس سی ) کا فعال کام بھی ہو گا جہاں ایسی خواتین کو پناہ دی جا سکتی ہے اور ان کی دیکھ بھال کی جا سکتی ہے ۔ وزیر نے جائیزہ میٹنگ کے بعد ڈی ڈی سی ، بی ڈی سی ، ایم سی سے ملاقات کی اور ان سے بات چیت کی جنہیں ان کی شکایات /مطالبات اور دیگر مسائل کے بارے میں قابل وزیر کو آگاہ کرنے کیلئے بلایا گیا تھا ۔ ڈی ڈی سی چئیر مین نذیر احمد خان نے مسائل /مطالبات کی یاداشت کے ذریعے قابل وزیر کو خاص طور پر دور دراز علاقوں کے لوگوں کو سخت سردیوں کے دوران درپیش مسائل /مشکلات سے آگاہ کیا کیونکہ ان میں سے بیشتر علاقے شدید برفباری کے دوران زیر آب رہتے ہیں ۔ بعد ازاں تاجروں ، یوتھ کلبوں ، مقامی نمائندوں کے وفود نے بھی وزیر سے بات چیت کی اور اپنے مسائل اور مطالبات پیش کئے ۔ وزیر نے وفود کو سُننے کے بعد یقین دلایا کہ تمام حقیقی مطالبات /مسائل کو متعلقہ حکام کے ساتھ اٹھایا جائے گا ۔
