جموں میونسپل کارپوریشن میں چار افسران کی ترقی کو منظوری

سری نگر// یو این ایس / جموں و کشمیر حکومت نے جموں میونسپل کارپوریشن کے چار افسران اور ملازمین کو اعلیٰ عہدوں پر ترقی دینے کی منظوری دی ہے۔ اس سلسلے میں محکمہ ہاؤسنگ اینڈ اربن ڈیولپمنٹ نے سرکاری حکم نامہ جاری کیا ہے۔یہ ترقیاں جموں میونسپل کارپوریشن کی مرکزی زیر انتظام علاقے کی سطح کی محکمانہ ترقیاتی کمیٹی کی سفارشات پر منظور کی گئی ہیں۔ کمیٹی کا اجلاس 31 جولائی 2026 کو منعقد ہوا تھا۔محکومت کے حکم نامہ نمبر 187-JK(HUD) آف 2026، مورخہ 3 ستمبر 2026 کے مطابق انکش کپور کو چیف انفارمیٹکس آفیسر کے عہدے پر ترقی دی گئی ہے۔ انہیں پے لیول 10A، یعنی 56,600 روپے سے 1,79,800 روپے کے پے اسکیل میں ترقی دی گئی، جس کا اطلاق 31 جولائی 2026 سے ہوگا۔رامن کمار گپتا کو بلڈنگ آفیسر کے عہدے پر ترقی دی گئی ہے۔ یہ عہدہ پے لیول 8 کے تحت ہے، جس میں تنخواہ 47,600 روپے سے 1,51,100 روپے تک ہے۔ ان کی ترقی کا اطلاق 17 ستمبر 2026 سے ہوگا۔پروین گپتا کو بھی پے لیول 8 کے تحت ریونیو آفیسر کے عہدے پر ترقی دی گئی ہے، جس کا اطلاق 31 جولائی 2026 سے ہوگا۔اسی طرح شبّاب رضا رضوی کو اسسٹنٹ انجینئر (سول) کے عہدے پر ترقی دی گئی ہے۔ یہ عہدہ پے لیول 8A کے تحت ہے، جس میں تنخواہ 50,700 روپے سے 1,60,600 روپے تک ہے۔ ان کی ترقی بھی 31 جولائی 2026 سے مؤثر ہوگی۔محکمہ ہاؤسنگ اینڈ اربن ڈیولپمنٹ نے یہ حکم 3 ستمبر کو جاری کیا۔ اس سے قبل جموں میونسپل کارپوریشن کے کمشنر کی جانب سے 29 جولائی، 4 اگست اور 25 اگست 2026 کو متعلقہ مراسلات محکمہ کو موصول ہوئے تھے۔حکومت نے مقررہ محکمانہ ترقیاتی کمیٹی کی سفارشات کی بنیاد پر ان چاروں افسران اور ملازمین کی ترقی کو منظوری دی ہے۔