پہلگام میںآرو کے قریب سڑک حادثے میں جانی نقصان پر لفٹینٹ گورنر نے دُکھ کا اظہار کیا

سرینگر//لفٹینٹ گورنر مسٹر منوج سنہا نے پہلگام میں آرو کے قریب ایک المناک سڑک حادثے میں جانی نقصان پر افسوس کا اظہارکیا ہے ۔ ایک تعزیتی پیغام میں لفٹینٹ گورنر نے کہا ’’ پہلگام میں المناک سڑک حادثے میں قیمتی جانوں کے ضیاع پر دُکھ ہوا ہے ۔ غم کی اس گھڑی میں سوگوار کنبہ کے افراد کے ساتھ دلی تعزیت کرتا ہوں ۔ میں نے ضلع انتظامیہ کو ہدایت دی ہے کہ متاثرہ افراد کو تمام ضروری مدد فراہم کی جائے ۔ ‘‘