مینڈھر//وزیر برائے جل شکتی ، جنگلات و ماحولیات اور قبائلی امور مسٹر جاوید احمد رانا نے ہفتہ کے روز مینڈھر میں سب ڈویژنل انتظامیہ اور ٹرانسپورٹ یونین کے نمائندوں کے ساتھ ایک جامع میٹنگ کی صدارت کی جس میں مینڈھر کیلئے ایک منظم اور پائیدار ٹریفک منیجمنٹ پلان کو حتمی شکل دی گئی ۔ شہری نقل و حرکت کی منصوبہ بندی کی اہمیت پر زور دیتے ہوئے مسٹر جاوید رانا نے کہا کہ حکومت مینڈھر میں ایک جامع اور موثر ٹریفک منیجمنٹ حکمت عملی نافذ کرنے کی وعدہ بند ہے ۔ میٹنگ میں شہر میں گاڑیوں کی ٹریفک کی بھیڑ ، مسافروں کی سہولت ، پارکنگ اور عوامی ٹرانسپورٹ سے متعلق دیرینہ چیلنجوں سے نمٹنے کی ضرورت پر تفصیلی بات چیت کی گئی ۔ گفتگو کا ایک اہم مرکز سڑک کنارے کی بھیڑ کے مستقل مسئلے کو حل کرنے کیلئے مخصوص پارکنگ سہولیات کی ترقی تھا ۔ شرکاء نے ایک سائنسی اور منظم ٹریفک نظام کی ضرورت پر زور دیا جس میں مناسب زوننگ ، ریگولیٹڈ نقل و حرکت اور دستیاب سڑک کی جگہ کا موثر استعمال شامل ہو ۔ میٹنگ کے دوران افسران نے بتایا کہ مینڈھر ٹاؤن کے اپ سٹریم اور ڈاؤن اسٹریم دونوں اطراف پر نئے بس اسٹینڈز کے قیام کیلئے موزوں زمین کے پارسلز پہلے ہی شناخت کر لئے گئے ہیں ۔ میٹنگ کی صدارت کرتے ہوئے مسٹر جاوید رانا نے متعلقہ محکموں کو ہدایت دی کہ تمام پروسیجرل رسمیات کو تیز کیا جائے اور ان اہم انفراسٹرکچر پروجیکٹس پر کام جلد از جلد شروع کر دیا جائے ۔ اس موقع پر یہ نوٹ کیا گیا کہ تجویز کردہ اقدامات نہ صرف گاڑیوں کی ہموار نقل و حرکت کو یقینی بنائیں گے بلکہ اہم کمرشل زونز کو بھی ڈی کنجیسٹ کریں گے اور پیدل چلنے والوں اور مسافروں کی رسائی کو بہتر بنائیں گے ۔ وسیع تر اثرات کو اجاگر کرتے ہوئے مسٹر جاوید رانا نے کہا کہ بہتر ٹریفک ریگولیشن اور انفراسٹرکچر مقامی کاروباروں کو نمایاں فروغ دے گا ، پبلک ٹرانسپورٹ کے آپریشنز کو بہتر بنائے گا اور شہر کی منظم اور پائیدار ترقی میں حصہ ڈالے گا ۔ انہوں نے مزید کہا کہ تمام اسٹیک ہولڈرز بشمول سول ایڈمنسٹریشن ، ٹرانسپورٹ حکام اور مقامی نمائندوں کے درمیان قریبی ہم آہنگی کو یقینی بنایا جائے تا کہ تجویز کردہ اقدامات کو بروقت اور موثر طریقے سے نافذ کیا جا سکے جو عوامی مفاد میں ہو ۔ میٹنگ میں ایس ڈی ایم مینڈھر ، اے آر ٹی او پونچھ ، سب ڈویژنل ایڈمنسٹریشن کے سینئر افسران اور ٹرانسپورٹ یونین کے نمائندوں نے شرکت کی ۔
