بارہمولہ//محکمہ زراعت ، دیہی ترقی و پنچائتی راج ، کواپریٹو اور الیکشن کے وزیر مسٹر جاوید احمد ڈار نے رفیع آباد میں ڈاک بنگلو میں ایک جامع جائیزہ میٹنگ کی صدارت کی جس میں علاقے میں آبپاشی کی سہولیات اور جاری ترقیاتی کاموں کا جائیزہ لیا گیا ۔ میٹنگ کے دوران وزیر نے آئندہ آبپاشی کے موسم سے پہلے کسانوں کو مناسب آبپاشی کی سہولیات یقینی بنانے کیلئے نہروں کی فوری مرمت اور ڈی سلٹنگ پر زور دیا ۔ انہوں نے کہا کہ زرعی پیداوار میں اضافے اور کسانوں کے مفادات کے تحفظ کیلئے موثر پانی کا انتظام اور آبپاشی کے ڈھانچے کی بروقت مرمت و نگہداشت انتہائی اہم ہے ۔ انہوں نے مزید ہدایت دی کہ تمام جاری منصوبوں کو معیار ، پائیداری اور مستقل مزاجی پر توجہ کے ساتھ مقررہ ٹائم لائنز کے اندر سختی سے مکمل کیا جائے ۔ وزیر نے افسران کو ہدایت دی کہ وہ بین الاقوامی محکموں کے درمیان قریبی ہم آہنگی برقرار رکھیں ، نتائج پر مبنی رویہ اپنائیں اور عوامی ضروریات کے حوالے سے جواب دہ رہیں تا کہ ترقیاتی اقدامات زمینی سطح پر ٹھوس نتائج میں تبدیل ہو سکیں ۔ بعد ازاں وزیر نے عوامی دربات منعقد کیا جس میں مقامی رہائشیوں کی شکایات سُنیں اور ان کے مطالبات کو حل کیا ۔ وزیر نے دوبارہ تاکید کی کہ ترقیاتی منصوبہ بندی کو عوامی ضروریات کی ترجیحات کے مطابق رکھنا چاہئیے تا کہ جامع اور ضرورت پر مبنی ترقی یقینی بنائی جا سکے ۔
