گاندربل//ضلع ترقیاتی کمشنر گاندر بل شیامبیر کی صدارت میں ڈسٹرکٹ جل جیون مشن ( ڈی جے جے ایم ) گاندربل کی ایک میٹنگ طلب کی گئی جس میں ڈی جے جے ایم کے تمام اَراکین نے شرکت کی۔دورانِ میٹنگ ضلع گاندربل میں مختلف واٹر سپلائی سکیموں او رریٹروفٹنگ کے لئے آئی اِی سی اور پانی کے معیارکی نگرانی کے اِنتظامات پرتفصیلی تبادلہ خیال کیا گیا۔ایگزیکٹیو اِنجینئر رورل واٹر سپلائی اِنجینئر سمیع اللہ بیگ نے کمیٹی کو جے جے ایم کے تحت ضلعی ایکشن پلان ، رہائش گاہوں کی کوریج ، اِمدادی سرگرمیوں ، پانی کے معیار کی نگرانی اور نگرانی کے بارے میں بتایا اور ضلع میں پانی کی فراہمی کی مختلف سکیموں کی بحالی اور تجدید کاری کے لئے لاگت کے عمومی خلاصہ کے بارے میں تفصیلی رِپورٹ پیش کی۔اُنہوں نے مزید کہا کہ اِس ڈی اے پی کے تحت 3,362 غیر منسلک گھرانوں کو ایف ایچ ٹی سی سے منسلک کرنے کی تجویز ہے اور 18,571گھرانوں کو ضلع میں ان کے موجودہ ایف ایچ ٹی سیز میں اِضافی سامان ملے گا۔کمیٹی نے گاندربل میں مختلف واٹر سپلائی سکیموں کو بڑھانے اور ریٹروفٹنگ کے لئے مجوزہ کاموں پر ایک مختصر بحث و تمحیص کے بعد ایکشن پلان کو منظوری دی جس کی لاگت 6,677.85 لاکھ روپے ہے۔ میٹنگ میں سی پی او عرفان گیری ، سی اِی او ، ایگزیکٹیو اِنجینئر جل شکتی اور کمیٹی کے دیگر ممبران نے شرکت کی۔
