ڈاکٹر شاہد اِقبال چودھری نے راجوری میں منریگا ، ایس بی ایم ، آئی ڈبلیو ایم پی ، آر جی ایس اے اور این آر ایل ایم منصوبوں کا جائزہ لیا

راجوری//سیکرٹری دیہی ترقی محکمہ اور پنچایتی راج ڈاکٹر شاہد اقبال چودھری نے آج راجوری ضلع میں منریگا ، ایس بی ایم ، آئی ڈبلیو ایم پی ، آر جی ایس اے ، پی ایم اے وائی ، این آر ایل ایم اور دیہی بنیادی ڈھانچے کے شعبے کے تحت دیگر مرکزی معاونت والی سکیموں کے تحت پیش رفت اور تناظر کی منصوبہ بندی کا جائزہ لینے کے لئے ایک جائزہ میٹنگ کی صدارت کی۔دوران میٹنگ زراعت، باغبانی، جنگلات، ماہی پروری اور دیگر محکموںکے ساتھ مل کر آئندہ مالی برس کا منصوبہ مرتب کرنے کی ہدایات جاری کی گئیں۔سیکرٹری دیہی ترقی محکمہ نے منریگا ، پی ایم اے وائی ۔ جی ، ایس بی ایم ۔ جی ، آئی ڈبلیو ایم پی ، جے کے ایس آر ایل ایم جیسی مرکزی معاونت والی سکیموںکے تمام اہم کارکردگی اِشاریوں کا تفصیلی جائزہ لیا اور ایک ہفتہ کے اندر تمام اِشاریوں میں خاطر خواہ بہتری لانے کی ہدایات جاری کیں۔ڈاکٹر شاہداِقبال چودھری نے مختلف محکموں بالخصوص زراعت اور اس سے منسلک شعبوں کے ساتھ ہم آہنگی بڑھانے کی اہم ضرورت پر زور دیا۔سیکرٹری نے مالی برس 2021-22 ء کے زیر التوأ کام کو 31 ؍مارچ 2024 ء تک مکمل کرنے کی ہدایت دی۔اُنہوں نے سرحدی بنکروں کی تعمیر کے حوالے سے سرحدی رہائشیوں کی حفاظت کو یقینی بنانے کے لئے ان کی تکمیل کی فوری ضرورت پر زور دیا۔مزید برآں، سرحدی بنکروں کی فوری تکمیل پر زور دیا گیا جو پہلے ہی ہاتھ میں لئے گئے ہیں یا زیر عمل ہیں۔ڈاکٹر شاہد اِقبال نے محکمہ ماہی پروری کو ہدایت دی کہ وہ محکمہ دیہی ترقی کے تعاون سے مچھلی کے تالابوں کی تعمیر میں پائے جانے والے خلا کو دور کرے۔میٹنگ میں پی ایم اے وائی۔جی اور آواس پلس کے تحت ہونے والی پیش رفت کو مدنظر رکھتے ہوئے افسران کو ہدایت دی گئی کہ مطلوبہ نتائج حاصل کرنے کے لئے مقررہ مدت کے اندر اہداف حاصل کرنے کو یقینی بنایا جائے۔میٹنگ میں پنچایت گھر کی نئی عمارتوں کی تعمیر کے سلسلے میں متعلقہ افسران کو ہدایت دی گئی کہ وہ مکمل تفصیلی پروجیکٹ رپورٹوںکو بروقت منظوری اور درستگی کے لئے پیش کریں۔پی او آئی ڈبلیو ایم پی (اِنٹگریٹیڈ واٹر شیڈ مینجمنٹ پروگرام) کو آئی ڈبلیو ایم پی پروجیکٹ کے تحت نئے گاؤںاور پنچایتوںکو شروع کرنے کے لئے ایک فزیبلٹی رِپورٹ پیش کرے۔یو ٹی کیپکس کے تحت بی ڈی سی (بلاک ڈیولپمنٹ کونسل) کی عمارتوں پر کام کی تکمیل کا جائزہ لیا گیا اور متعلقہ اِنجینئرنگ عملے سے تعمیراتی کام میں تیزی لانے کے لئے کہا گیا۔سوچھ بھارت مشن۔ گرامین (ایس بی ایم۔جی) کے تحت مختلف سرگرمیوں کا جائزہ لیا گیا، جن میں سالڈ ویسٹ مینجمنٹ ،پنچایتوں میں گھر گھر کوڑاکرکٹ جمع کرنا، کمیونٹی سوکیج گڑھے، کمیونٹی کمپوسٹ گڑھے، اِنفرادی سوکھے ہوئے گڑھے، گرے واٹر مینجمنٹ اور پنچایتوں میں کوڑے دانوں کی تنصیب شامل ہیں۔سیکرٹری دیہی ترقی محکمہ نے ایس بی ایم سے کہا کہ وہ دیہی علاقوں میں صفائی ستھرائی کو فروغ دینے کے لئے کوششیں کرے تاکہ او ڈی ایف پلس کا درجہ برقرار رکھا جا سکے۔ڈاکٹر شاہداِقبال چودھری نے تمام افسران کو ہدایت دی کہ وہ دیہی آبادیوں کی بہتری کے مشترکہ مقصد کے لئے اپنی کوششوں کو ہم آہنگ کریں۔اُنہوں نے شراکت داروں کے درمیان ہم آہنگی کی اہمیت پر زور دیتے ہوئے اثر اور کارکردگی کو زیادہ سے زیادہ بڑھانے کے لئے مشترکہ حکمت عملی کی وکالت کی۔سیکرٹری موصوف نے ایک وفد سے بھی ملاقات کی جس نے ایس آر اِی کے تحت سرحدی بنکروں کے لئے زیر التوأ ادائیگیوں پر تشویش کا اظہار کیا۔سیکرٹری نے وفد کو یقین دلایا کہ ان کے تحفظات کو متعلقہ حکام کے ساتھ جلد از جلد اُٹھایا جائے گا۔ڈاکٹر شاہداِقبال چودھری ہمراہ ڈائریکٹر آر ڈی ڈی جموں ممتاز علی، ڈائریکٹر پنچایتی راج جموں و کشمیر شیام لال اور ٹیکنیکل آفیسر پی ایم اے وائی۔جی محمد ریاض بھی تھے۔راجوری میں جائز ہ میٹنگ میں ڈی ایف او اے ڈی سی راجوری نے، ڈی ایف او نوشہرہ اے سی ڈی، اے سی پی، ڈی ایف او ایس ایف، سی اے او، سی اے ایچ او، پی او آئی ڈبلیو ایم پی، ایگزن آر ای ڈبلیو، ایگزن ای این آئی اینڈ ایف سی راجوری، ایگزن آئی اینڈ ایف سی نوشہرہ، اے ڈی ایف سی ایس اینڈ سی اے، اے ڈی فشریز، ڈسٹرکٹ پروگرام منیجر این آر ایل ایم اور تمام بلاک ڈیولپمنٹ افسران نے شرکت کی۔