پولیس اوبزرور نے پلوامہ اور پانپورحلقوں کا تفصیلی دورہ کیا

پلوامہ//اسمبلی انتخابات کے لئے پولیس اوبزرور اکھلیش کمار نے آج پلوامہ اور پانپور حلقوں کا تفصیلی دورہ کیا۔اُنہوں نے گورنمنٹ ہائیر سیکنڈری سکول کاکاپورہ اور گورنمنٹ ہائیر سیکنڈری سکول نہامہ کا دورہ کیا جہاں اُنہوں نے مقامی باشندوں سے بات چیت کی تاکہ انہیں آزادانہ ، منصفانہ اور شفاف اِنتخابات کا یقین دِلایا جاسکے۔اکھلیش کمارنے اپنی بات چیت کے دوران اِنتخابی تیاریوں کے بارے میں عوام سے قیمتی رائے حاصل کی اور اُنہیں یقین دلایا کہ الیکشن کمیشن آف انڈیا (ای سی آئی) کی ہدایات کے مطابق تمام ضروری احتیاطی تدابیر پر سختی سے عمل درآمد کیا جائے گا تاکہ انتخابی عمل کو آسان بنایا جاسکے۔اِس کے علاوہ اکھلیش کمار نے ضلع پلوامہ میں مختلف سٹیٹک سرویلنس ٹیم (ایس ایس ٹی) ناکوں بالخصوص کنڈیزل اور کوئیل کراسنگ پر واقع چوبیس گھنٹے ناکوں کا معائینہ کیا گیا۔اُنہوں نے کاکاپورہ کے ایک گاؤں ستھر گنڈ کا بھی دورہ کیا جہاں اُنہوں نے مقامی رائے دہندگان سے بات چیت کی ۔پولیس اوبزرور نے اِنتخابی عمل کی سلامتی اور سا لمیت کو یقینی بنانے کے لئے اِنتظامیہ کے عزم کا اعادہ کیا۔