سرحدوں پر خصوصی چیک پوسٹوں کی تنصیب کے ساتھ سرحدی نگرانی کو مضبوط بنایا گیا / حکام
سرینگر // موسم سرما میں برفباری کے دوران درندازی کے واقعات کے روکتھام کیلئے سیکورٹی فورسز نے نئی حکمت عملی مرتب دی ہے اور اس سلسلے میں سرحدوں پر نگرانی رکھنے کیلئے خصوصی چیک پوسٹ قائم کئے گئے ہیں ۔ سٹار نیوز نیٹ ورک کے مطابق موسم سرما کے دوران برفباری اور گہری دھند کے چلتے دراندازی کی کوششوں کو ناکام بنانے کے مقصد کے ساتھ سیکورٹی فورسز نے موسم سرما کی حکمت عملی کے تحت سرحدوں پر خصوصی چیک پوسٹوں کی تنصیب کے ساتھ سرحدی نگرانی کو مضبوط بنایا ہے۔سرکاری ذرائع نے بتایا کہ سیکورٹی فورسز نے دھند کے دنوں کے پیش نظر باڑ کے پار سے دراندازی کی کوششوں کو ناکام بنانے کیلئے بین الاقوامی سرحد اور لائن آف کنٹرول کے ساتھ نگرانی کو مضبوط بنانے کیلئے ایک منصوبہ بند سرمائی حکمت عملی تیار کی ہے۔ذرائع نے بتایا کہ جموں و کشمیر پولیس نے فوج اور دیگر متعلقہ اداروں کے ساتھ مل کر ایک موسم سرما کا طریقہ کار وضع کیا ہے تاکہ سرحد کے اس پار سے دراندازی کی کوششوں کو ناکام بنایا جا سکے کیونکہ گھنے دھند نے علاقے کو اپنی لپیٹ میں لے لیا ہے ۔ ان کا کہنا تھا کہ گھنی دھند کا فائدہ اٹھاتے ہوئے ملی ٹنٹ سرحد کے اس طرف سے داخل ہونے کی کوشش کرتے ہیں لیکن ان کی کوششوں کو ناکام بنانے کے لیے ایک سٹریٹجک سرمائی طریقہ کار وضع کیا گیا ہے۔انہوں نے مزید کہا کہ لائن آف کنٹرول اور بین الاقوامی سرحد پر گشت بڑھانے کے ساتھ اضافی نگرانی کی چوکیاں قائم کی جا رہی ہیں۔ان کا کہنا تھا کہ ملک دشمن عناصر اور دہشت گردوں کو پناہ لینے سے روکنے کے لیے جنگلات کے قریبی علاقوں میں سرپرائز سرچ آپریشنز بھی تیز کیے جا رہے ہیں۔ذرائع نے بتایا کہ اضافی چیک پوسٹوں کی تنصیب کے ساتھ دراندازی کے نقطہ نظر سے حساس سمجھے جانے والے علاقوں میں خصوصی نگرانی رکھی جائے گی جبکہ جنگلات اور پہاڑی علاقے کے قریب رہائشی بستیوں میں سرپرائز کورڈن اور سرچ آپریشن بھی کیا جائے گا۔انہوں نے کہا کہ جموں و کشمیر پولیس نے فوج اور نیم فوجی دستوں کے ساتھ مل کر جموں و کشمیر میں دہشت گردی کے ماحولیاتی نظام کو ختم کرنے کے لیے مشترکہ طور پر ایک روڈ میپ تیار کیا ہے۔
